Pages

2008-12-27

Дүн

Зиа ингээд Шилдэг блог - 2008 шалгаруулалтынхаа дүнг гаргачихлаа. Олон таван үгээр юүүхэв, онцлон нэрлэгдсэн блогуудаа бүрэн жагсаалтаар нь шууд танилцуулсу. Алдаа эндэгдэл анзаарагдвал мэдэгдээрэй андуудаа. Линкгүй орсон учир битүүлэг хэдхэн нэрний нутгийг нь хэлж замыг нь заагаад өгвөл тэр дор нь холбочноо.

Санал өгч оролцсон, үнэтэй цагаа зарцуулан зөвлөгөө зөвлөмж шүүмжээ хайрласан бүх хүнд өөрийн зүгээс баярласан талархасанаа илэрхийлээд ирэх онд бичлэг юугаараа уулзан золгохын ерөөл тавин одёоо. Бүгдээрээ Сайхан Баярлаарай!

Санал авсан блогууд:
http://ganga-cz.blogspot.com
Санал
18
http://addidea.blogspot.com 13
http://gump.blog.banjig.net 11
http://amarsaikhan.blogspot.com 11
http://bumerdene.blogspot.com 11
http://sanakae.blogspot.com 8
http://altargana.blog.banjig.net 8
http://tagnai.blog.banjig.net 8
http://yukisan.blog.banjig.net 7
http://igaa.blogspot.com 7
http://3apaa.blogspot.com 6
http://ajiglagch.wordpress.com 6
http://mikarito.blogspot.com 6
http://enkhbayar.net 5
http://vitaminjuulalt.blog.banjig.net 4
http://www.dulmandakh.com 4
http://dulguun.blogspot.com 4
http://deppsu.blogspot.com
4
http://amai.mn 4
http://soronzon.blogspot.com 4
http://anjigai.blog.banjig.net 3
http://duduka.blog.banjig.net 3
http://www.bolorcms.com/badaa 3
http://shbaatar.blogspot.com 3
http://ulemj.blog.gogo.mn/ 3
http://zereglee.blogspot.com 3
http://obod.blogmn.net 3
http://www.boljmor.com 2
http://telmen.blogspot.com 2
http://hundaga.blogmn.net/ ?
2
http://erintulgatmn.blogspot.com 2
http://gadaadhelblog.blogspot.com 2
http://ganbaa.blogspot.com 2
http://togoruu.blogspot.com/ 2
http://huhtolbot.blog.banjig.net 2
http://gal-togoond.blogspot.com/ 2
http://stormy.blog.gogo.mn/
2
http://emosclub-naranbayar.blogspot.com/ 2
http://www.bodrol.org 2
http://sienna.blog.banjig.net 2
http://manga.delhii.net 1
http://uugantsetseg.blog.banjig.net/
1
http://tsegmee.com
1
http://erkhembayar.blogspot.com/ 1
http://erhtsas.blog.banjig.net 1
tarchlaan.blog.banjig.net 1
http://after.blog.gogo.mn 2
баябага 1
Навч 1
http://seniorexpert.blogspot.com 1
http://saaralblog.blogspot.com 1
http://lovelife.delhii.net 1
http://kula.blog.banjig.net 1
http://nasaa-nana.blogspot.com 1
http://damdaa.blog.gogo.mn 1
http://gegeen.wordpress.com 1
http://erdenekhuu.blogspot.com 1
http://delgeen.bblog.mn 1
http://2046fan.blogspot.com 1
http://duraaraa.wordpress.com 1
http://bbaasanjargal.blogspot.com 1
http://azkas.blogspot.com 1
http://cphotos.tumblr.com 1
http://blogmn.net/xvv 1
mongolhorde.blogspot.com 1
http://boljmor.blog.banjig.net 1
http://chandmani.blogspot.com 1
http://tuvshin77.blogspot.com 1
http://ogtorgui.blogspot.com 1
http://www.bayarhuu.com 1
http://unuruu.blogspot.com 1
http://ochko.blogspot.com 1
http://fashionmongolia.blogspot.com 1
http://berdenebolor.blogspot.com 1
http://blogmn.net/dusal 1


2008-12-02

Шилдэг блогчин - 2008

Хүндэт блогчид оо,
2006, 2007 онд дараалан явуулсан Оны шилдэг блогчин шалгаруулалт маань энэ жил гурав дахь удаагаа үргэлжилж байгааг дуулгахад таатай байна.
Өмнөх 2 удаагийн шалгаруулалт тус бүрдээ онцогтой болсон бөгөөд эхний жил нэг хүнээс шууд арав арван санал авч шалгаруулсан. Дараа жилийнх нь буюу 2007 онд тодорхой номинацуудын дагуу явагдаж байсан бол энэ удаагийн шалгаруулалт ямар онцлогтой байвал дээр талаар нилээд бодож байгаад дараах байдлаар явуулахаар шийдлээ.
Та өөрийн шилдэг, мундаг, сайхан, хэрэгтэй, өвөрмөц, ирээдүйтэй гэж үзсэн хэдэнч блогийг санал болгож болох ба миний зүгээс аль болох тодорхой тайлбартай саналуудыг хүчинтэйд тооцно. Мэдээж зүгээр нэг хаяг орууллаа гээд саналд тооцогдохгүй шүү гэдгийг анхааруулая. Мөн таны өгсөн саналууд өөр хоорондоо хүртэл өрсөлдөх болохоор баахан блог санал болгоод байх нь таны шилдэг гэж үздэг блогт зохисгүй байх нь. Та зөвхөн шилдэг гэж үзсэн блогуудаа л санал болгоноо гэдэгт итгэж байна. Энэ удаагийн дүрэм маань ингээд гүйцээ. Харин бичигдэх хэлбэрийн хувьд эхлээд URL хаяг, доор нь тайлбар нь байхаар бичээд үлдээхэд хангалттай.
Дүнгээ шинэ оноос өмнө хэзээ ч хамаагүй нэг завандаа гаргачих болохоор эртхэн саналаа өгчвөл их зүгээр шүү.
Аа тийн, бас нэг юм мартах шахлаа, монгол хэл дээр блог бичигчид маань тун олон болсоны дээр олон олон блог сайтууд нээгдэж нэгэнт хязгаар нь мэдэгдэхгүй их далай болсон болохоор та бүхэн өөр өөрийн блог дээрээ энэ Шалгаруулалтын талаар нэг нэг бичкээн бичлэгүүд оруулчуул миний блогоор орж үзээгүй, энэ шалгаруулалтын талаар үзэж дуулж байгаагүй олон эрхэмийг татан оролцуулж улам илүү амжилттай шалгаруулалт болох нөхцөл бүрдэнэ гэдэгт итгэж байна.
Зиа ингээд нийтийн бүжиг ;)

2008-11-21

Үл бичигдмэлүүд

Монсудар хэвлэлийн газраас "Эрэлхийллийн уран зохиол" гэдэг нэрийн дор 2001 онд нэгэн уралдаан зарлагдаж, түүний шилдэгүүдийн тоонд багтсан, бяцхан мөртлөө час хийсэн энэ номны тухай тойм бичиж байгаадаа жоохоон эмээж л байна. Учир нь зохиогчийн сэтгэлгээний цэгц, философийнх нь цар хүрээг бишрэн шүтсээн. Энэ бол надад үнэхээр дутагддаг чанар болохоор тэр болов уу.
Яагаад Үл Бичигдмэлүүд гэж нэрлэсэн хийгээд олон зүйлийн тухай бичишгүй нь, юу ч гэсэн эхлээд номоос багахан хэсгийг хүргье.

Гайхагсад ба гайхахгүйгээр шийдэгсэд
Амьдралын утга учир гэж юу вэ? Хүмүүс янз бүрийн бодолтой байдаг. Амьдрал мэдэхгүй хүүхдүүд гэж ахмаджуу нэг нь хэлэх нь хааяа нэг сонсогддог л үг. Тэгвэл тэд юуг мэдсэндээ ингэж хэлдэг юм бол. Орчлон ертөнцийн дор хүн гэдэг ямар нөлөөгөөр бий болсон, хүн болон амьтад энэ дэлхий дээр амьдарсанаараа ямар үүрэг гүйцэтгэдэг болохыг тэд мэддэг юм болов уу? Ерөнхийдөө хүмүүс бол гайхсаар л байгаа. Энэ дэлхий маань эзгүй, дур дураараа юу болсон ч болж л байдаг зөнгөөрөө орон уу? Үе залгамжлан зуун зууны туршид гайхсаар л... Харин зарим нь болохоор энэхүү ээдрээтэй нарийн зүйлийн тухай бодохоо ч больж гайхахгүйгээр шийдээд хөнгөн зүйлээр өөрийгөө зугаацуулж хялбар бүдүүлэгхэн амьдрах юм. Нөгөө нэг хэсэг нь худал үнэн номлож өөр юуг ч хэрэгсэлгүй өөрөөсөө холдуулж, өөрийн гэсэн нэгэн амархан системтэй болоод стресс энээ тэрээгээ зохицуулан амар амгалангийн үүдээр орох буй заа. (Шашин шүтлэг, сүсэг бишрэл)
Үнэндээ амьдралын утга учир болон энэ түвшний олон нарийн асуудлуудад ямарваа нэгэн хариулт өгөх нь адгийн муу новшоос авахуулаад алдаг цуутай хэнд ч болов байдаг хэрэгцээ болно...
...Ерөнхийдөө бол бүхэл нийгэмд олон мянган жилийн туршид хааяа нэг гайхчихаас өөр юмгүй хөнгөн амьдралтанууд байсан бөгөөд мөн ч олон хүн ингэж өнгөц хялбараар өөрсдийн амьдралаа өнгөрөөцгөөсөн юм. Харин харамсалтай нь гэвэл тэд цөм л үхэцгээсэн бөгөөд тэднээс хойшдын нийгэмд үлдсэн олигтой хувь нэмэр гэж үгүй. Шинжлэх ухаан нийгмийн ухаан, нийгмийн хөгжилд хувь нэмэрээ оруулсан хүмүүсийн тоо хүн төрөлхтөний түүхэнд амьдарч өнгөрсөн хүмүүсийн дэргэд өчүүхэн бага хувийг эзэлнэ....
...Эцэст нь хүмүүс минь амьдралын аливаа асуудлыг гайхсаар явах уу? Амьдралын утга учрыг олохын төлөө тэмцэж, бурханаас хүнд л заяасан оюун ухаанаараа бодол эргэцүүлэлтэй байж, зорилготойгоор амьдарцгаах уу?

Энэ бол номны төгсгөл хэсэг нь биш шүү, эхлэл нь. Ер нь зохиогчийн өмнөтгөлдөө хэлсэнчлэн номыг энд тэндээс нь бус яг дарааллаар нь уншиж байж хэлэх гэсэн санаанд нь нэвтрэхээр бөгөөд хэсэглэн оруулах гэж бичээд байвал нь уг номоо бүгдийг нь шивж оруулах шинжтэй. Гэсэн хэдий боловч дахин нэг багахаан хэсгийг мөн л оруулмаар байна.

Хүлээгчдийн тухай
Эд бол амьдралыг хүлээгчид. Жаргалтай сайхан, хангалуун амьдралыг мөрөөдөн сууж, амар цаг ирэхийг хүлээгчид. Мөнхүү өөрийг нь хэн нэгэн сайхан хүн хайрлахыг хүлээгчид. Ийм хүмүүс амьдрал бол хүлээлт юм гэж хэлээд өөрийгөө хэн болохыг амархан хэлээд өгчихдөг. Эдний 50иас илүү хувийг эмэгтэйчүүд эзэлдэг шиг байгаа юм. Эд сэтгэл санаагаа илэрхийлэх үнэн мөн төрхөө ил гарган илэрхийлэхээс айдаг улс. Харин хэн нэгэн өөрийг нь хязгааргүй ихээр, үлгэрийн мэт хайрлахыг мөрөөдөн хүлээн суух авай. Амьдрал тэдний бодсон хүссэнээс их хол өнгөрөх бий. Хүлээсээр суух уу? Амьдралын төлөө тэмцэж өөрөө үүнийгээ зохиох уу?

Дээрх хоёр хэсгийг уншаад ихэнхдээ хүний тухай л бичсэн ном бололтой гэж тааварлахгүй байхыг хүсье. Энэ хоёр хэсэг бол ердөө нэгдүгээр бүлэг эхлэхээс ч өмнө номын оршил хэсэг төдийгөөс хэсэглэн авсан нь юм.

Орчлонг танин мэдэхээр, хүчээ үзэхээр, үр дүн гаргахаар шийдэгсдэд цэгцтэй гарын авлага болохуйц ном гэж би бодсон. Танин мэдэхийн тулд хэмжил зүйн, юмсын ангилал зүйн, өөрийн сэтгэл зүйн, гэх мэт ойлголтуудыг эгээ л өөр ертөнцийн хүн биднийг ажиглаж байгаад хэлж өгөх мэт хурц тод утгаар хэлж өгөх ном. Харамсалтай нь энэ ном номын дэлгүүрүүдэд харагдахгүй л байгаа бөгөөд надад сонирхуулан өгч уншуулсан блог анд Баясумд баярлалаа.

2008-10-20

Гадныханы зохиомжилсоноор ...

Цаг агаар нь халуун дулаан байдаг улсууд Монгол гэрийг янз бүрээр нь хийх шиг болдийн байна. Ашигладагийн байна. Мэдмээр юм байна. Эргээгээд тэд нараас санаа авмаар ч юм шиг.

Зуухны зориулалт нь юу юм бол ...


Халуунд зуухаар ч яаах билээ. Гэхдээ л тооногүй бол арай биш юмаа ...



гэх мэтээр янз бүрээрээ байдийн байна. Монголд ирээд санаа аваад орчин үеийн хэв загварт оруулаад бизнес хийж байгаа нь овсгоотой л гар байна. Бас нэг талаар сурталчилгаа юм даа. Гэхдээ ямар байдлаар сурталчилгаа болж байна юэ гэдэг нь бидэнд чухал болхоос тэдэнд мөнгө л падлийтай. Технологи, зориулалт 
(тооно нь шилэн цонх байвал яахуу... сансарын гэр шиг харагдана лээ)
 нь өөрчлөгдөхөөр утга учир, агуулгагүй зүгээр л жирийн гэр юм шиг санагдахын. Яаав ч "Монгол гэр" биш. Ингэж хийсэн гэрээ борлуулах, үйлчлүүлэгчдийг урихын тулд "Монгол гэр" гээд л сурталчилж байгаа. Олон улсуудын соёл, түүхийг сайн мэдэхгүй л дээ. Нэг зурган дээр манай гэртэй "төстэй" гэрийн тооноос нь хятадын улаан дэнлүүрхүү юм унжина. Зургийн тайлбар нь "Афган гэр". Афганчууд манайхтай төстэй гэрт амьдардаг "байсан" гэдэгт эргэлзэхгүй байна. Гадаад "овогтой" эдгээр гэрт орсон хүмүүс яагаад бөөрөнхий, яагаад "таазаараа" дүүрэн хөндлөн модтой, яагаад "дээвэр" нь онгорхой байгааг ойлгож байгаа гэж найдъя даа.

 



2008-09-23

from me to you

If there's anything that you want,
If there's anything I can do,
Just call on me and I'll send it along
With love from me to you.

I've got everything that you want,
Like a heart that is oh, so true.
Just call on me and I'll send it along
With love from me to you.
I got arms that long to hold you
And keep you by my side.
I got lips that long to kiss you
And keep you satisfied, oooh.

If there's anything that you want,
If there's anything I can do,
Just call on me and I'll send it along
With love from me to you.
From me, to you.

From me. To You.

Just call on me and I'll send it along
With love from me to you.

I got arms that long to hold you
And keep you by my side.
I got lips that long to kiss you
And keep you satisfied, oooh.
If there's anything that you want,
If there's anything I can do,
Just call on me and I'll send it along
With love from me to you.
To you, to you, to you.

2008-09-14

Хааяа анзаарч явахад гэмгүй зүйлийн тухай

Би 9 сарын нэгнээс нэг күүрст сууж мэргэжлийнхээ чиглэлээр номын дуу сонсож байгаа юм. Нэг өдөр багш маань Maintenance гэдэг сэдвээр хичээл зааж байхдаа биднээс асуув. - Чи нэг компанид ажилд орохоор болжээ гэж саная. Гэтэл 2 орон тоо байгаа бөгөөд нэг нь maintener, нөгөөх нь programmer гэж саная. Гэхдээ энэ 2 ажилд яг ижилхэн цалин өгнө гэвэл чи алийг нь сонгох вэ гэж.

Ангийхан дийлэнх нь maintener болохоор сонгов. Би харин programmer болноо л гэсэн. Учир нь maintenance хийнэ гэдэг бол илүү явдал чирэгдэл ихтэй түвэгтэй нарийн ажил гэдгийг ойлгодог, бас өөрөө энэ 2 ажлыг хоёуланг нь хийдэг болохоор programmer хийгээд сууж байх нь арай л амар гэдгийг мэднэ л дээ. Багш үргэлжлүүлээд яагаад maintener гэж сонгосон тухай хүмүүсээс асуутал нэг охин харин илүү их юм сурна, албан тушаал нь ч programmer-аас илүү гэж хариулав.

Яг тэр үед өмнө нь оюутан байхдаа иймэрхүү асуултанд хэцүү ч байсан яахав, юм сурч хүнтэй танилцаж, ирээдүйтэй нь харагдаж байвал болох нь тэр гэж хариулж байснаа санаад өөрийгөө хир өөрчлөгдсөн болохыг гайхав. Мэдээж одоо ч надаас programmer үү maintener үү гэвэл programmer гэнэ л дээ. Гэхдээ гайхсан учир нь: -багшийн асуултанд хариулж байхдаа залхуурах, амарыг нь харах хандлагаар бодож хариулсанд л гол нь байгаа юм. Ө.х энэ хугацаанд ямар нэг юм уруудсан үзүүлэлттэй байнаа л гэсэн үг болох нь л дээ.. Мэдээж сайжирсан зүйл ч асар олон бий... Тэгвэл.....

...Хүн цаг хугацааны явцад нэг л мэдэхэд өөрөөсөө огт өөр “хүн” болчихсон, тэгсэн мөртлөө анзаардаггүй л явдаг юм биш биз?

Тусгаар тогтнол гэх үгийн тухай

Сая олимпоос алтан медалууд авсаны дараа хүмүүсийн хэлсэн үгэнд манай улсын тусгаар тогтнолыг баталсан сайхан зүйл гэх мэтээр хэлж ярьж байхыг олон сонслоо.

Дээхнэ нэг удаа ТВ-харж суутал мэдээгээр гадаадын ямарч билээ орны ерөнхийлөгчид манай гадаад хэргийн яамны сайдаас захидал илгээсэн тухай (яг юун тухайг нь санахгүй байна. Энгийн л дипломат захидал байсан) хэлээд уг захидалыг уншив. Тэгсэн тэр дунд ...энэ нь манай улсын тусгаар тогтнолд сайнаар нөлөөлсөн зүйл боллоо... гэх маягийн үг хэлсэнээс хойш яагаад ингэж хамаагүй хэлж байдаг юм бол доо гэж гайхаад байдаг болов. Гэтэл cүүлийн үед энэ үг их моодонд орж байх шиг ээ.

Жишээ нь өөр нэг орон тамирчин нь олимпоос алтан медал авчихаар хүмүүс нь манай улсын тусгаар тогтнол баталгаажлаа гэж хэлэхгүй.

Тэр дипломат захидалыг авсан хүн Монгол чинь тусгаар тогтнолынхоо төлөө тэмцэж байгаа нялх улс билүү юу билээ гэж эсвэл Монголын тусгаар тогтнолд хэн нэг нь саад болоод байгаа юм байх даа гэж гайхсан байх.

Би чамд хайртай гэдэг үг яг тэр хайр гэдэг зүйлээ хязгаартай байгааг давхар илэрхийлж байдаг гэдэг. Олон хэрэглээд байвал улам л үнэ цэнээ алддаг, өдөр болгон хэлдэг мөртлөө үнэн хэрэгтээ хайрлаж байгаа нь мэдрэгдэхгүй бол энэ чинь бүүр ч утгаа алдаад харин эсрэгээр ойлгогдох болно. Үгээр хэлэхээс илүү үнэхээр хайртайгаа үйл хөдлөлөөр ямагт баталж байх нь хайртай гэдэг утгыг төгс илэрхийлэх байх гэж боддог юм.

Яг үүн шиг тусгаар тогтнол тусгаар тогтнол гэж олон ярих тусам энэ нь эсрэг утгыг нь улам ойртуулж байгаа юм. Тэр тусмаа энэ зүйлийн төлөө юу ч хийгээгүй хүний амнаас гарах бүртээ утга чанар нь алдагдаж ямар нэгэн эргэлзээг төрүүлж улмаар муу үр дагавараа ардаа чирч яваад байна гэсэн үг.

Манайхан санаатай санаагүй моодонд орсон үгээр өөрийгөө эх оронч болохыг илэрхийлж байна гэж мөчидхөн бодсоноос л ийм үгийг хэлээд яриад явцгаагаа байх гэж бас бодно. Түүнээс аль 60-аад онд албан ёсоор баталгаажуулж олон улсад хүлээн зөвшөөрөгдсөн манай улсын тусгаар тогтнолд өдийг хүртэл ямарч асуудал тулгараагүй.

Би гадаад улс орноор явж, хүн ард нь манай улсыг мэдэж байна уу үгүй юу гэдгийг асууж лавлаж байсангүй л дээ. Энд тэнд хүмүүс Монголыг мэдэхгүй байна. Эсвэл Оросын Монгол уу Хятадын Монгол уу гэж асуугаад дургүй хүргээд гэх мэтээр бичсэн байхтай зөндөө тааралдаж байснаас үзэхүл бид аргагүй олон зуун жил дөнгөнд чимээгүй суусаар дэлхийн ой санамжид харьцангуй бага орон зай эзэлдэг болсоны шинж юм даа гэж үзэхэд хүрсэн. Түүнээс биш түүхэнд бол огт өөр дүр зураг байдаг биз дээ?

Одоо бид мэдрүүлмээр байна. Муугаар биш сайнаар, уруудаж доройтсон мэтээр биш өсөж хөгжиж байгаагаа мэдрүүлмээр байна. Дэлхийн санах ойд харьцангуй бага мэдэгдэж байгаа маань муу дүр зургаар их санах ой эзэлж байхаас илүү гэдгийг санаж өөдрөгөөр авч үзье.

Үгүй ядаж л энд тэндэхийн сайтад бүртгүүлэхэд улсаа сонгодог хэсэг дээр Монголыг маань орхисон байх нь элбэг. Ийм сайт дайралдах бүрт нь холбоо барих имейл рүү нь Монгол улсыг маань листэндээ оруулахаа мартсан байна гэж эелдэг имэйл явуулчихаад байхад л тодорхой хувь нэмэр шүү дээ.

Мөн Дөлөөгийн хэлсэнчлэн чаддаг бол дэлхийн хэлээр блог бичиж, англи монгол wikipedia-д Монголынхоо тухай мэддэгээ бичиж, тв-үүд хүртэл энэ өдөр төрсөн алдартанууддаа Монгол алдартануудаа оруулдаг болж гэх мэтээр өөр өөрийн чадах хэмжээндээ хувь нэмэрээ оруулж явбал нэг л мэдэхэд аан та Монгол хүн үү, танай улсад очиж үзэхийг үнэхээр хүсдэг шүү гэх хариу сонсдог болох цаг ирнээ.

2008-09-05

Knowledge is like a garden:
if it is not cultivated, it cannot be harvested
I listen and I forget,
I see and I remember,
I do and I learn
In youth we learn in old age we understand

2008-08-26

29-р Олимп

За юуны өмнө олимпын наадамд оролцсон, медаал хүртсэн, аварга болсон, хүчин зүтгэсэн, спонсордож тэтгэсэн бүх хүмүүст баярласан талархасанаа илэрхийлье ээ.

  • Эртний, одоогийн, ирээдүйн хөршийндөө болсон Даян дэлхийн спортын их наадмаас хос алтан медаал хүртсэн маань нүүдэлчдийн түүхийг дэлхийн түүхийн хуудаснаа тодоор үргэлжилүүлэн бичсэн бахархалтай явдал байлаа.
  • Ялалтын амтыг амтлуулсанаар олон олон хүүхэд залуусыг спортын замд соронздон татсан нь дамжиггүй ээ.
  • Амжилт гаргаж хараахан чадаагүй тамирчид дасгалжуулагчид багийн удирдлагуудад ямар нэг хэмжээгээр болох юм байна, ойрхон юм байна гэсэн итгэл урам, өөрчлөлтийн хүсэл зоригийг бэлэглэсэн нь эргэлзээгүй.
  • Шинэ тутам хөгжиж буй харьцангуй хөгжих боломжтой спортын бусад төрлүүдийг даруйхан ивээн тэтгэсэнээр амжилтанд хүрэх бололцоо ойрхон бий гэдгийг бизнэсмэнүүдэд, хөрөнгө оруулагчдад харууллаа.
  • Өрсөлдөөний тухай, багийн амжилтын тухай, хувь хүний, өрсөлдөгчийн сэтгэл зүйн тухай сонирхогч хэн бүхэнд шинэ мэдрэмж шинэ сэдэл өөдрөг үлгэр жишээг харуулсан гэж бодож байна.

Медалийн салхи хагалсан, алт авах догдлол дагуулсан эгзэгтэй агшин. Тамирчин хүн үнэхээр сэтгэл санаагаа барьж тайван байж чаддагыг харуулсан. Гүндэгмааг биширч л суулаа. Мань мэт нь бол сандарч тэвдээд хөлөө буудчиж ч магадгүй. :D




Монгол даяар асар олон магнай хагарсан сайхан мөч. Би бүүр баярлах учраа олохгүй гүйж ирээд коммэнт бичиж байлаа шүү дээ :D


Зориг, тэвчээр, харуусал, за яахавээ дараа дахиад таарнаа гэх бодлууд дагуулсан сайхан мөч. Сэрдамбаараа бид бүгдээрээ бахархаж байгаа шүү.


Жиндээ хамгийн илт тасархай ялалтууд байгуулж, Өөртөө итгэлтэй байдалаас нь хараад хэт тайвширч гэнэдэх вий гэсэн айдас төрүүлж байлаа. Бадар-Ууганг алт авах байх гэж би дотроо хамгийн их найдаж харж байсан тамирчин.

Лондонгийн олимп хүртэл юухэн байхав дээ. 4-хөөн жил ;)

2008-08-08

Олимп





Эхлэхэд хэдхээн л цаг үлджээ. Нэг дэлхий дээрх олон мөрөөдлүүд биелэхэд хором хугацаа ойртсоор л... Алт. Би Монгол тамирчин Олимпын алтан медаал авлаа гэдэг мэдээг сонсож байна гэж дотроо төсөөлж үзлээ. Үнэхээр сайхан байна байх даааа.

2008 оны зуны амралт

Бичлэг оруулалгүй их уджээ. Энэ зун нийтдээ 2500 орчим километр ийш тийш үсчин цовхочсон байна. Орон даяар борооны шимээр тун сайхан зун боллоо доо. Яагаад ч ногоо ургахгүй байх гэмээр газраар хүртэл ургаад, замын хажуугаар уулын тагд ургасан юм шиг л өвс ногоо сагсайгаад л, сайн ургадаг газраа бол бүүр ярих юм биш, дотор нь нэг орчуул төөрөөд баларч байгаам чинь, тэгээл төөрч өлсөж үхэхгүйн тулд өвс идэж гарч байгаам чинь гсн... хэхэ гэнт сум хөдлөөд эхэлдэг гэжийшд.

Ээлжийн амралтаа аваад төрсөн нутгаараа амраад ирлээ. Очиход нутаг орноор халуун нар шараад улаан тоос манарсан, сайхан зунтай газраас очсон надад жоохон онцгүй байсан л даа. Гэхдээ яахав төрсөн нутаг бол төрсөн нутаг. Дээр нь зун очилгүй удсаныг ч хэлэх үү сайхан л байлаа. Очингуутаа л бараг маргааш нь Отгонтэнгэрийн рашаан сувилал буюу Отгоны амралт руу гэрийхэнтэйгээ гараад шидчивээ. Чийг сайтай байдаг сайхан хангай нутгаар хүртэл гангийн шинжтэй хуурай, онцгүй, урамгүйхэн л явлаа. Харин амралтанд очсон орой нээх сайхан шиврээ бороо ороод, маргааш өглөө нь босоод ирсэн чинь хамаагүй өнгө засарчихаж. Тэгсэн тэнд байсан хэдхэн хоногт өдөр бүр бороо орж байгал дэлхий дэлэгнээд нүдэн дээр гайхамшиг болдог байна шүү. Нэг харахад л цэцэг харагдаагүй байсан газар янз бүрийн дүүрэн цэцэг ургачихсан. Зургийн аппараттай явах минь яалаа гэж үнэхээр харамсаж байлаа. Хэдхээн хоногийн дотор янзтай зун болдог гэжийшүү. Бороо хур нь аятайхан ороод байвал ургадаг л юм байна байгал дэлхий.

Отгоны рашаан сувилал гэдэг чинь баруун бүсдээ их алдартай юм байна. Ховд, Увс, Баян-Өлгий Говь-Алтай г.м аймгуудаас бас Тувагаас хүмүүс ирж эмч домчид үзүүлээд л халуун рашаанд ороод л халуун шавар тавиулаад л энд тэндхийн рашаан хүртээд л (эмчийн зааваргүй болдоггүй гэж дуулсан ч манайхан үнэн хайнга гарууд дайралдсанаас нь л уугаад амсаад явчих болтойм билээ) байгал дэлхий ан амьтанд (ялангуяа могойнд) залбирч шүтээд л. Янз бүрийн нутгийн аялагатай хүмүүсийн яриаг сонсож инээд хүрээд л бас тэрүүхэндээ хөгжилтэй.

УИХ гишүүн Нямдорж гуай: - Би шулуухана кэлчихэд ийм байна тийм байна гээд өвөрмөц ярьдаг даа. Тэгсэн тэнд тэннис тоглож байсан чинь нэг жааахан хүү яг нутгийн агаатайгаа ижилхэн Би чамд шулуухан кэлчий Чи гарч болно, би чамтай тогломооргүй байна гээ л нэг бацааныг хөөдийн хэхэ. Нутаг нутгийн гоё гоё аялга хэдийг сурсан. Даанч дооглоод байж болохгүй бүгд адилхан болчихвол судлаж амжаагүй олон сайхан үүх түүх, үгийн гарал олдохоо байж монгол хэлний баялаг сан дундарна гэж Саруул-Эрдэнэ багш номондоо бичсэнийг санаад энд бичишгүй.

Би уг нь нутгийн нь индиан мөртлөө тэнд очиж үзээгүй байсан юм л даа. Аймгийн төвөөс очиход зам нь их муу, дээр нь хөдөө газрын амралт сувилалын газар болохоор ч тэр үү зохион байгуулалт, тохь тух нь тун тааруухан бүдүүн баарагдуу боловч хүмүүс тэр сайхан байгал дэлхий рашаан ус руу хошуурдаг нь аргагүйм билээ.

Сониноос хөдөө нутгийн малчин эмэгтэйчүүд нас нь ахимаг болоод ирэнгүүт л хувцаслалтандаа бүгд ижилхэн стийл сонгочдийн байна. Хүрэн эсвэл хөх өнгийн дээл. Дээлтэйгээ адилхан ойролцоодуу өнгийн эсвэл цагаан алчуур, бас цагаан ултай түрийтэй гутал. Өглөө өдөр оройн хоолон дээр ийм ижилхэн стийлтэй 30 40 орчим эмээ нарыг нэг дор харах тун сонирхолтой. Ямар аймаг сумаас ирсэн нь хамаагүй байна лээ. Би саваагүйтээд тэд нарын заримаас нь таны үеийн хүмүүс яагаад бүгд ижилхэн хувцас өмсдийн бол, бүгдээрэнгийнх нь дээл хүрэн юм аа? Гэхээр: - Тэгээд яачхаав чамд ямар хамаатай юм гэж байгаам чинь. Хэхэ худлаа худлаа, үнэндээ өөрсдөд нь ч гэсэн сонин санагдаж байгаа юм гэсээн. Гэхдээ хөдөө газрын настай эмэгтэйчүүд тийм өнгө л сонгодийм шиг байна лээ.

Дээр могойнд залбирч шүтээд гэсэн дээ. Нэг хүн могой харчаад учиргүй сүсэглээд л өмнө мөргөөд л ёстой үнэхээр чин сэтгэлээсээ залбираад л байхыг харсан. Тэгсэн тэр Рашаан усны эзэн нь могой гэж үздэг юм гэнэ. Рашаанд орж байхад цоргоор нь могой ороод ирдэг байсан гэнэ лээ гэж ярихыг сонссоноос хойш рашаанд тайван орж чадахгүй цорго руу нь тас ширтээстэй хэхэ. Гадаа явж байсан чинь жижигхэн хар цоохор могой хараад цочсондоо үсрээд л зугтаачихсан. Юун залбирах мантай, ёстой эвгүй юм билээ.

Заа байз энд тэмдэглэгчихээр өөр чинь юу боллоооо байз... Аа тиййй The Secret гээд ном аваад явсан чинь тэр сайхан байгал дунд, дээр нь амралтаараа мөнч сайхан тохирсон ном уншсан даа. Бөөн happy хүн л явлаа шүү дээ. Уг номоос өөртөө сайн сайхан мэдрэмж төрүүлдэг бүх зүйлийг аль болох ойрхон байлгаж, аль болох байнга мэдэрч байж чадвал сайхан бодлууд, сайхан хүслүүд төрж эргээд тэр нь “таталцалын хууль” (law of attraction) ёсоор амьдралд биелэлээ олдог, ө.х хүний сайн муу бодлууд тэр бодсон зүйлийг өөр рүү чинь ямагт татаж байдаг тухай өгүүлдэг юм. Бас энэ номоор хийсэн бяцхан баримтат кино ч байдаг.

Зиа тэгээд амралтаас эргээд ирсэн аймгийн төвд бас бороо ороод ган тайлагдаад хүн малын зоо тэнийнэ гэдэг нь болж байна даа. Гэртээ хэд хоног дүү нарынхаа авчирч өгсөн кинонуудыг үзэж ээжийн хийж өгсөн хоолыг идэж, ах эгч нарынхаараа орж айл хэссэн шигээ сайхан амарлаа.

Бас аавын нутгаар явж хамаатны хөгшчүүлд очиж золгосон. Тэгээд тоотой хэдэн хоногын амралт маань дуусаж хөгжөөн бужигнаан нь дэвэрсэн их хот руугаа хүлгийн жолоо залвай. Үргэлжлүүлж бичиж магадгүй...

2008-06-10

Web application

Интэрнэт, интранэтийн орчинд
web browser эсвэл Client ашиглан
ажиллах боломжтой програм
хангамжийг Web application гэдэг.

Анхны хуудас хийгдэж байсан тэр үеээс хойш вэб гэдэг зүйл хүний өдөр тутмын хэрэглээ болтлоо хөгжжээ. Энэ хугацаанд олон үе шат, олон шинэ дэвшилтэт хэлбэрүүд үүссэн байна.

Вэбийн хувьсал

1. Дээр өгүүлсэнчлэн анхны вэб маш энгийн тэкст мэдээлэл агуулсан зүгээр л нэг хуудас байсанаас Static вэб гэх ангилалыг тодорхойлох болсон байна. Сайтыг эзэмшигч програмист өөрийн мэдээллээ html хэлээр хэлбэржүүлээд хатуу зоочихно. Солих болохоороо дахин хэлбэрт оруулаад солино. Тухайн үед ийм вэбтэй компани бол хамгийн чанга гаруудад тооцогддог байсан байж таараа. Анхны сайтууд ийм л байсан. Одоо ч ийм болхи сайтууд олон бий.

2. Үүний дараа HTML форматад оруулж чаддаг хэдэн програмистын залхуу нь хүрсэн үү эсвэл ажлаа дийлмээргүй болсон уу мэдээний хэсгийг нь энгийн хүн ойлгоод тэкст зураг оруулаад засаад байх боломж бий болгосоноор хоёр дахь хувьсал эхлэх нь тэрээ. Үүнийг хүмүүс ихэвчлэн хагас динамик сайт гээд ярьдаг. Зарим хэсэгт нь статик мэдээлэлтэй. Зарим хэсгийг нь энгийн хүн өөрчилж дөнгөхөөр хийнэ. Энийг сайтар харвал энгийн хүмүүсийг энэ ертөнцөд татан оруулж ажиллах боломж олгосон үнэхээр хувьсал байжээ.

3. За тэгээд хүний хүсэл хязгааргүй юм хойно дахиад л хялбарчилахаар шийдэвээ. Энэ удаа сайтын бүхий л газарт энгийн хүмүүсийн (сайт эзэмшигч) гар хүрч, хүссэнээрээ янзалдаг болгож орхив. Ямар ямар мэню байхав, хаана нь зураг оруулахав гээд л дураараа дургиж болно. Нэг өглөө улаан байсан сайт маргааш нь ягаан болоод нөгөөдөр нь шинэ жилийн стилтэй болж болно. Энэ үед бодвол нөгөө айхавтар доткоом бүүм нь явагдсан байх. Төрөл бүрийн санаа сэдээд л ирээдүй гэдэг чинь гэрэлтэж харагдаад л байсан биз.

4. Динамик вэбтэй зэрэгцээд төрсөн боловч цөөхөн тооны потенциалтай хэрэглэгчидэд л хэрэг болдог утгаараа ялгарч эхлэсэн Web application гэх үеэл нь чимээгүйхэн хөгжиж л байж.

Дараагийн хувьсалыг AJAX авчирсан. Энэ бол саяханы түүх боловч web application-ы хөгжлийг асар хүчтэй түлхэж өгсөн юм. Технологийн хувьд ч хэрэглээний хувьд ч Маш олон шинэ давуу талууд болон боломж нээсэн болохоор нь веб 2.0 буюу вебийн хөгжлийн шинэ эрин эхэллээ хэмээн тоймчид дуу алдаж байв.

Өмнө өгүүлсэн зөвхөн админ нь мэдээлэл оруулаад хүмүүс уншдаг байсан загварыг хэн нэг ухаантан өөрчлөхөөр шийдэн: -Ерөөсөө хэрэглэгчид нь өөрсдөө мэдээллээ оруулчдаг байвал яасан юм бэ гэсэн асуулт өөртөө тавьсан үеээс эхлээд та энэ бичлэгийг уншиж байгаа энэ үе хүртэл асар их зүйлс өөрчлөгджээ.

Веб ийнхүү хөгжлийн замаараа явж байхад Desktop application-ууд эдийн засгийн утгаараа ч тэр технологийн утгаараа ч тэр, чинээндээ тултал хөгжөөд байжээ. Веб 2.0-ын эрин эхлэснээр хэрэглээний програмын зах зээлд хүчтэй доргилт үүсэж эхлэх нь тэр. Учир нь desktop компьютэр дээр л ажиллахаар хийгдсэн олон хэрэгсэлүүд Online-д шилжиж шинэ онцгой төрлийн өрсөлдөгчид бий болж эхлэсэн.

Надтай хамгийн ойрын жишээ татвал: Манай цаг бүртгэлийн desktop application – одоо Web application болчихоод хэрэглэгдэж байна. Ажилчид өөрийн нэвтрэх эрхээр цагаа хянадаг, интернэтэд холбоотой бол олон салбар нэгжүүд нэг програмаар цагаа бүртгүүлж, санхүү нягтлангууд нэг газраас нэгдсэн тайлан гаргаад авах боломжтой гэх мэт өмнө байгаагүй олон давуу талууд бий болоод байна. Цааш нь улам илүү олон боломжоор хүчирхэгжүүлэхээр төлөвлөн ажиллана.

Хэдийгээр Web application-ууд Desktop application-ы зах зээлд хүчтэй цохилт хийж байгаа ч бүрэн утгаараа өрсөлдөгч болж дууссан уу гэвэл үгүй. Энэ хоёр хамтран ашиглагдах боломж бүхий хэд хэдэн боломж байгаагийн нэг нь RIA's.

Rich Internet Applications

RIA's бол зурагт үзүүлсэнчлэн Web application, Desktop application, Communication technologies-дээр тулгуурлан гарч ирсэн шинэ тоглогч юм. Web болон Desktop application гэдэг бол тодорхой. Харин
Communication Technologies гэж юу вэ?
Web service-үүд бол аль хэдийнээ бий болоод ашиглагддаг байсан, програмчилж болдог мэдээлэл түгээх арга хэлбэр юм. Энгийнээр бол ямар нэгэн хүсэлт (SOAP)-ийн хариуд XML/JSON гэх мэт форматаар хариу өгдөг систем (server) юм.

RIA бол ийм service-тэй ажиллах боломж олгодог, өөр дээрээ бүх өгөгдөлөө хадгалаад байдаггүй Application software юм. Үүний жишээ бол бидний дээр өгүүлсэн цаг бүртгэлийн програм юм. Хурууны хээ уншигч төхөөрөмжид тааруулан хийсэн RIA маань бүртгэсэн өгөгдөлөө сэрвэртээ илгээдэг тэндээс шинэ ажилтаны мэдээллийг өөрөө татан авдаг гэх мэт ид шидтэй бяцхан програм бий.

Ийнхүү шинэ боломж бололцоо олгох Техник технологийн дэвшилийг ашиглан бушуухан хөгжицгөөе!

Web application-ы сонгодог жишээнүүд:

Холбоотой бичлэгүүд

2008-06-03

Conversation log

Өнөөдөр нэг найзтайгаа мэссэнжэрдсэнээ Тэр чигээр нь оруулчихлаа

X: huey margaash naana chini gazar hodloh ym yu

unen ym yu

me: uneen

unuudur buh munguuruu narginaa :D

yuun java :P

X: ysn muu yortoin be

me: haha

humuus naana chin nuuj yavsan yum humaa yariad buun ineedem

;)

X: ineedem ni haniad boloh vii dee

hudlaa bgaasai

aimar sh dee

ene hujaa nariig har l daa

me: hehe

ug ni ch tiim l de

haashdaa hudulhiin bol ineej l bsan ni deer shde hu

X: tgd naana chini humuus yamar arga hemjee avchiina

her huchtei ym boloo

me: hehe

uridchilan meddeg arga ug ni bdaggui geed bsan shde

X: bdag blgui dee

tiim ym gej haa bsiin

sansart niseed bhad chini

me: yu ve gazar door delbereh esehiig medeh hetsuu shde naizaa

sansar bish

X: tgd yu yariad bgan ene humuus togloomtoi gedeg ni

bi barag harih gej blaa sh d

me: huushe

hehe

ichig ichig :P

unuudur oros mongoliin hil havitsaa baruun aimagt 4,6 ball gazar hudulsun gej olon ulsiin site deer bna lee

2 nudeeree harsan

humuus teriig harchihaad l sensaats yavuulj bga bh'

X: balain zugeer

iim ymaar togloh gej

me: tuunees uridchilj meddeg arga bhgui e

nohoi shuvuu l zugtaadag yum gene lee,

manai nohoi uchigdur hool ugsun chini bayarlaj userch ireed namaig elegdchihsen

:D

uurandaa hoolniih ni savaar zodsiishd

:D

X: ysn muuhai hertsgiin

chamaig l gej bayarlsan bn sh d

pee

me: aimaar uvdsunduu l ...

X: hnn gants elegdeldiig ongoroochihod yaana

me: 3apaa tsaana chini ohinoo suran buseer zodson geed blog deree bichtsen bailee

X: ter ohin ni hereg hiisiin bgaz

taani nohoi yamar hereg hiisiin za za

me: oroitoj irsen genee

X: ene chini odoo yu boljiino onoodorjingoo hun amitantai hereldeed

me: hehe

bi chamaig ineeh bh gesen chini nam zagnuuldag gejiishd

X: yu yasnii ineeh gazar hodlolt bodogdood bhad chini

me: nohoigoo savaar ni gants l tonshson l doo. zodoh geheer usdej chirj mireel nuuren deer ni devseh ene ter gej oilgosiim shig bna te

X: bas deer ni baahan muslimuud emegteichuudee alsan tuhai unshtsan chini

me: eeh

X: sonin bolchloo ter 3araa odoo yuv dee oroitoo l biz

nohoig bol hairlaj bh heregtei he he

me: :D

za

X: chamaig hun bish ymaa gehed irsend chini bayarlaad bur elegdeed avah deeree tulah aitan nohoinoos chini oor bhgui ch ym biluu

me: oroi ochij bgaad hairlanaa

X: bi lav nohoigoo zodsondoo aimar haramsdag

Sent at 5:38 PM on Tuesday


2008-05-03

Google Reader-ын бас нэг сайхан боломж

Reader дээрээ цуглуулсан бичлэгүүдээ бусдад share хийх боломж байдгийг сая л харлаа. Тэгээд бааааахан бичлэгүүд share хийчлээ. Хүмүүсээ ganbaa's shared items гэсэн блок миний блогийн баруун талд нэмэгдсэн байгааг харжийнуу. Read more дээр нь дараад орвол манннгар олон дажгүй бичлэгүүдийг share-лэцэн байгаа шүү ;). Welcome to my shared items!

2008-05-01

Карамазовын хөвүүд

Цаг хугацааны хувьд Орос орон хамжлагат ёсоо халсаны дараахан Комунист үзэл суртал соёолж эхлэхийн өмнөхөн үеэр энэ романы үйл явдал үргэлжилнэ. Хоёр удаа гэрлэж байсан Эцэг Карамазов болон түүний 2 эхнэрээс гарсан гурван хүү, мөн нууц хүү Смердяков нарын тухай өгүүлдэг.
Эцэг хүүхдүүд бүгдээрээ тэс ондоогын туйлууд, эд нар шиг өөр өөр хүмүүсийг олоод ир гэх нь байтугай бодож ол гэхэд хэцүү ухаан, зан араншин, ёс суртахуун, боловсрол, хөрөнгө чинээ гээд л ер нь л бүх талаараа өөр өөр.
Зохиол өөрөө болохоор Дунд хүү Иваныг эцэгтэйгээ наад 2оо бодвол илүү адилхан гэж хэлж байгаа боловч тийм санагдахааргүй...
Ах дүү 3-ын том нь болох Димитрий сүйт бүсгүйгээсээ урван байж нэг бүсгүйтэй учир ургуултал гайхал хөгшин эцэг нь түүний өрсөлдөгч болох аж. Түүгээр ч барахгүй нас эцэслэсэн эхийнх нь өв хөрөнгөнөөс түүнд маш бага өгсөн гэх хэрүүл эцэг хүү хоёрыг хагаралдуулж олны өмнө ална тална гэж дуудалцахад хүргэжээ. Удалгүй эцэг нь амиа алдсанаар бүгд Димитрийг алуурчин гэж үзэх бөгөөд бага дүү Алёша үүнд итгэсэнгүй. Түүний бодлоор жинхэнэ алуурчин бол Смердяков бөгөөд энэ нь нотлоход маш хүнд зүйл болон хувирч ах нь шүүхийн өмнө ялтанаар дуудагдана.
Гэтэл дунд хүү Иван Смердяковыг алуурчин гэдгийг өөрөөр нь хэлүүлэх бөгөөд өөрөө энэ хэрэгт гол буруутан байжээ гэдгийг сонсоод солиорч эхлэнэ. Дайран дээр давс гэгчээр Шүүх хурлын өмнөх орой Смердяков амиа хорлож уг хэргийг улам бүрхэгдүүлж орхив.
Галзуурмаар өрнөлтэй шүүх хурал дээр Солиорсон хүний нотлогоо мэдээж хэнийг ч итгүүлж чадахгүй боловч нийслэлээс ирсэн мундаг өмгөөлөгч Фетюкович (нэрийг нь буруу бичсэн байж магадгүй) Димитрийг буруугүй байж болох нотлогоог маш уран илэрхийлнэ. Гэвч тангарагтаны шүүгч нар бүх “нотолгоог” үндэслэн түүнийг буруутай гэж үзэн ялладаг.
Ерөнхийдөө ийм л өрнөлтэй зохиол боловч миний өмнө өгүүлсэн Зосима даяанч миний энэ тойм дунд огт дурдагдаагүй өнгөрсөнийг анзаарахыг хүсье. Мөн номын гол дүр Алёшаг энд цухас л дурдлаа. Энэ даяанч хэрхэн даяанч болохоор шийдсэн тухай, хэрхэн бурханы үнэнч элч болж ард түмэн дундаа хүндлэгдэж байгаа тухай, хүнийг хэрхэн “уншиж” чадаж байгаа тухай үнэхээр үнэмшилтэй хэсгүүд гардаг. Энэ хэсгүүдээс хүний нийгэмд шашин ямар ямар сайн зүйл өгч чаддаг хийгээд хэрхэн хор болдогыг ч олж харж болно. Тодруулбал бурханыг цэц ухаанаар жинхэнээсээ хүлээн зөвшөөрч жинхэнэ хүн сэтгэлээр хүн зоны төлөө оюун ухаанаа зориулах хийгээд мухар сүсгээр сүслэж мунхаг сохороор итгэж чөтгөр шулмаар туйлшруулах хоёрын ялгааг нэг хийдийн хоёр ламаар илэрхий үзүүлсэн байдаг.
Зосима даяанч Алёшад ямар сургааль айлддаг, Алёша яагаад хийдээс гарахаар болсон бас түүний найз байгаад хожим найз биш болсон Ракитины үзэл бодол гээд олон сонин содон дүрүүд энэ номонд бишгүй бийг мөн хэрхэн төгсөхийг уншиж үзээд мэдээрэй.
Манайхан шиг коммунизмын талын мэдлэг, мэдрэмж өндөртэй улсууд нэг хүнийг биш нийт олныг хайрлахын тухай өгүүлбэрүүдийг харвал тэр үедээ хэрхэн тохироо нь бүрдээд байсныг ч харах боломжтой. Ө.х нийт олны тусын тулд нэг хэсгийг нь золиослох сэтгэлгээний тухай зохиолч аатай үнэн бичсэн нь бий.
Мөн хүнийг хайрлах дадал хараахан суугаагүй хүнд хүний нүүр саад болдог гэх мэт хувь хүний дотоод чанараас өгсүүлээд нийт олны сэтгэл зүйн гажиг гэмгүй хүнийг гэмтэн болгож хэрхэн хилсдүүлж болдог гэх мэт өргөн цар хүрээнд сэтгэж бичсэн суут зохиол болохоор үе үеийн зохиолч нар Достоевскийн энэ зохиолоор хүмүүжиж нүдээ нээсэн гэж судлаачид үздэг байх. Юутай ч гэсэн энэ суут зохиолыг монгол хэл дээрээ унших боломжийг олгосон Гомбосүрэн гуай болон Nepko publishing-ын хамт олонд талархал илэрхийлье.


2008-04-25

Карамазовын хөвүүд

...Зүгээр Зосима даянчийн амьдрал гэхэд л бүхэл бүтэн роман доторх роман явж байгаа юм. Зохиолчийн үнэнхүү цар хүрээтэй сэтгэгч, асар мэдрэмжтэй сэтгэлзүйч, амьдралын ухаантан гэдэг тэр чигээрээ илт. Өгүүлэмж бүхэн нь философи. Дүр болгон нь эсрэг тэсрэг амьдлаг бас Хүчирхэг.

Суут хүний тухай ойлголт надад нэгэнт бий болсон. Толстойн Анна Каренинаг уншсаны дараа хэн нэгэн хүний амьдралыг дайраад гараад ирэх мэт сэтгэгдэл төрж байсан бол Достоевскийн энэ романыг уншиж байхад тэрнээс хавьгүй өргөн, хавьгүй том... бүүр шал өөр сэтгэгдэл төрсөн. Миний бодлоор Хүн төрөлхтөн оюун ухааны хүч хүрч ойлгож чадахгүй зүйлээ “бурхан”-аар “тайлбарлаж” ард нь “нуугдаж” ирсэн, энэ сэтгэлгээг Достоевский ганц номоор гацааж орхижээ. Хүн төрөлхтөний түүхэнд Бурханыг байдаг юм бол гараад ир гэж аймшиггүйгээр дуудагсад олон байсан байх. Тэр дундаас “хамгийн гарч ирэхээс аргагүй” болгож дуудсан хүн бол Д.
Тэр гарч ирээгүй...

...Чи өөртөө худлаа хэлэхээ боль... Цаг ямагт худлаа хэлсэнээс болж бүхнийг үл хүндлэх болсонд чинь хамаг учир байна. Хүндлэхээ болихоор хайрлахаа болино. Нэгэнт хэнийг ч хайрлахаа болисон хүн ужид цэнгэл, зэрлэг тачаалаар цаг нөхцөөж юугч үл хайхардаг болно... Яг хажууд ном алга ямарч байсан Зосима даяанч ах дүү гурван Карамазовын эцэгт хэлсэн үг дунд ийм утгатай зүйл байсан.

Ерөнхийдөө мань мэтийн гар энэ мэтийн утгагүй тайлбар бичээд сууж байдаг ном ч биш л дээ. Саваагүй нохой саранд хуцна гэдэг болж байгаа хэдий ч ямар ч байсан "хуцах" эрхтэйгээс хойш гэж бодоод зүрхлэсэн нь энэ...

2008-04-18

Карамазовын хөвүүд

Хэрэвзаяа[1] зураач байсансан бол Бурхан Достоевский хоёрыг бие биенийхээ духанд буу тулгасанаар зурахсан. Бурхан нь инээмсэглэсэн Христос; харин Дост-г ямарч сэтгэл хөдлөл илэрхийлээгүй байгаагаар... зурвал ч.

Нөгөө алдар суугаа мандуулсан Карамазовын хөвүүдийг уншиж байгаа хэрэг л дээ; news.mn дээр номын нээлтэд зориулан бичсэн Баабарын нийтлэлийн доор хүмүүсийн бичсэн сэтгэгдэл дунд “манайхан энэ зохиолыг ойлгодог л байгаа даа” гэснийг хараад жоохон эгдүү хүрч байсан боловч уншаад эхлэсэн чинь үнэхээр зарим талаар ойлгохгүй зүйлүүд гарч байгааг хүлээн зөвшөөрч байна. Христийн шашны талаар битгий хэл Буддынхаа шашныг мэддэггүй хүн чинь барьц алдах юм даа гэж. Одоогоор уншиж дуусгаагүй болохоор үргэлжлүүлэн бичихээс түр азнаяу.

хэрэвзаяа[1]– Орчуулагч Гомбосүрэн гуай уг номыг орчуулахдаа энэ мэт түгээмэл хэрэглэгддэггүй үгүүдийг цөөнгүй оруулж ирсэнд талархах хэрэгтэй болов уу. Хэрэвзэ гэж ярианы хэлэнд байдаг үгийг бичгийн хэлэнд ийн буулгасын байх. Мөн жилбэрхэх гэдэг үгийн тухай дараа толь бичиг сөхөж байгаад тайлбар хийхийг бодноо. Нарийн мэддэг хэн нэгэн байвал сэтгэгдэл үлдээнэ бизээ. Ямарч гэсэн эмэгтэй хүн бэлэн болчоод эр хүн лүү чичирч дайрах гэсэн утгатай хэмээн манай ажлын ах айлдсаныг дурдая хэхэ.

2008-04-17

Хэлэлцээр хийх урлаг

Зиа байз энэ номыг яагаад уншия гэж шийдсэн гэхээр орчуулагч нь ТВ-р (SBN байхаа) энэ номныхоо тухай ярилцлага өгч байхыг үзсэн юм. Дараахан нь манай компани дээр ирж нэг сонирхолтой програмын захиалга өгсөн. Тэгэхэд ер нь сүрхий залуу санагдсан тул аятайхан ном орчуулсан байж мэднэ гэж бодоод өнгөрсөн. Удалгүй Трампын Шилдэг туслах шоу-г монгол хэлээр үзэх боломж гарсанаас болж энэ номыг заавал уншия гэж шийдсийм.

Ерөнхийдөө бизнэс хэлэлцээр тохиролцоо хийх, гэрээ байгуулах, борлуулалт хийх, сурталчилгаа явуулах зэрэгт тус болохоор ном гэж хүмүүс ярьж байгаа хэдий ч хүн бүр энэ тухай (хэн нэгэнтэй ойлголцох шаардлагатай байдаг бол шүү дээ) энэ номыг уншиж үздэггүй юм аа гэхэд бодоод үзэх ёстой сэдэв юм. Тэр ч нэг тийм хүн дээ ингэж яриул буруу ойлголт авчихгүй байгаа даа гэх зэргээр бодож байсан уу? Тэгвэл иймэрхүү зүйл бизнэст жинхэнэ сонгодог утгаараа явагдаж байдаг. Энэ номонд байх нэг гол санаа бол ойлголц => итгэлц => хамт амжилтанд хүр гэсэн зарчмыг тогтоож аваал ургуулаад бодоорой. ;)

Дэлхийн тэргүүн баячуулын нэг алдартай бизнэсмэн (үнэндээ би энэ номыг уншихаас өмнө мэддэггүй л байсан. Энэ ном шоу хоёр нь ийн дэлхий дахин алдаршуулахад нөлөөлсөн биз.) Доналд Трампын арга барил болон өөрийнхөө ажиглаж мэдсэн арга техникүүдээ бусадтай илэн далангүй хуваалцаж байгаа Трампын зөвлөх хуульч Жорж Россын бичсэн ном юм.

Хүнтэй бүрэн ойлголцож чадаагүйгээс, өөрийгөө бүрэн илэрхийлж чадаагүйгээс олон олон боломж бололцоог хажуугаараа өнгөрөөснөө бид дотроо адгаад л өнгөрдөг. Энэ номыг уншсан хүн ямар нэг хэлэлцээр уулзалтанд хэрхэн бэлтгэх аргыг чадах чинээгээрээ боловсруулахад хэрэг болохуйц мэдлэгийг олж авах бөгөөд энэ ч байтугай бизнэс эрхлэхэд хэрэг болох чухал арга тактикуудыг бодитой хүний жишээн дээрээс тун ойлгомжтой “хэлээр” олж авах бололцоотой.

Надад уншиж дуусахаас өмнө шууд л хэрэг болсон ном. Яг юунд хэрэг болсоныг бичиж болохгүй хэдий ч ямарч байсан уг номд өгүүлсэн POST аргын дагуу бэлтгэсэнээр би жижигхэн ч гэсэн амжилт үзүүлж чадсандаа ихэд урамшсан хэрэг л дээ.

Хэн нэг хүнтэй ямар нэг ажлын талаар ярилцахаас өмнө энэ People Objective Strategy Tactic аргаар чадах чинээгээрээ нарийвчлан бэлдэх нь их чухал юм билээ. Дээрх дөрвөн үг тус бүрт хамаарах ойлголтуудыг цуглуулж толгойгоо ажиллуулсанаар ... За ер нь сонирхол төрсөн бол энэ номыг аваад уншаарай. Интэрномд 12000T гэжийлээ. Англи нэр нь: Trump-Style Negotiation.

Саяхан нэг сайт дээр “амьдрал бол хэтэрхий богинохон, уран зохиолын ч бай биш ч бай ном уншина гэдэг хайран цагаа дэмий үрж байгаа хэрэг шүү дээ” гэсэн байна лээ, Энэ нь амьдралаас суралцсан тэрбумтаны хэлэлцээр хийх нууцыг олж мэдэхийн тулд заавал явсан замаар нь замналгүй, бас заавал тэр бумтан болох албагүйгээр ойлгож авах боломжтой гэдгээр хялбархан няцаагдах өгүүлбэр ажээ. Харин ямар ч хэрэгцээгүй урхи занга мэт олон сая ном байгааг дурьдахгүй байж бас болохгүй бөгөөд иймдээ ч өөрт таалагдсан номны тухай бусдад дамжуулах нь зүй ёсны хэрэг гэсэндээ ийн бичвэй.

2008-04-07

Хүлээгч

Ойрд зав зай гайгүй ч бичлэг оруулах хүсэл зориг төрөхгүй гүйсээр... Гугагийн Үл бичигдмэлүүд номонд өгүүлдэг Амьдралаас ирэх аз жаргалыг нэг насаараа хүлээгчийн тухай санааг энэ зургаар илэрхийлье.

2008-03-19

АААА"АХА" ХА ХА

Сандал суудал дээрээ олсоор даруулаад ч болсон бөх сууж байгаад уншаарай.

Юу гэхээр ТВ-ын АХА гээд нэг хөөрхөн нэвтрүүлэг байхымаа. Олон хүн цувж зогсож байгаад хөтлөгчийн асуултанд хурдан хариулах ёстой. Нэг хүнд алдах эрх 3 л бий. Тэгээд 3 дахь удаагаа буруу хариулт өгвөл хасагдаж явсаар байгаад нэг хүн үлдсэн нь аварга болдийм л даа. Янз бүрийн л хүмүүс оролцох юм. Хүмүүс тулгамдсандаа л ингэж хадуурдаг байх гэж бодож байна. Заримдаа хөтлөгчийн асуулт нь үнэн ёооёоотой байх нь ч бий. Жишээ нь:

Тэмүүжин юунаас айдаг байсан бэ? Юунаас айдаг байсныг одоогын хүмүүс яаж мэдэхэв дээ. Тэгсэн хүмүүс: нохой, морь, аянга, Жамуха гэх мэт хадуурч гарна. Тэгсэн зөв хариулт нь Өүлүн эх. Ха ха.

Асуулт хариултаар нь орчин үеийн онигооны шинэ төрөл үүсгээд ном гаргамаар шүү. За тэгээд цаашаа:

Хөтлөгч: Түнтгэр өвгөн түмэн жадтай тэр юу вэ? гэж асуутал 1А ангийн нэг хүү хариуд нь: Чингис хаан гэж авдаг байгаа.

Хөтлөгч: Монгол ардын үлгэрт гардаг хамгийн том уулыг юу гэдэг вэ? - Дээрх жаал тэгсэн мөн л Чингис хаан гэж авсан. Би бүүр савж унаваа хөөрхий. Чингисийн тухай хичээл үзчихсэн байсан бололтой.

Хөтлөгч: Майга бор гэж ямар амьтныг хэлдэг вэ? гэтэл нэг нөхөр урдаас нь Хонь гэж наасан. Нэг майга бор хонь таньдийн байлгүй өөлкий.

Хөтлөгч: Хоол боловсруулах эрхтэний нэг? хүмүүс мэддэг болгоноо хэлээд байдгүй ээ. Нэг хүн дэлүү гэсэн чинь дөхөж байна гэхдээ биш байна гвэ. Тэгсэн арынх нь баагий шууд шпи авчихсан бололтой гарч ирэнгүүтээ хэлүү гэсэн гэнэ лээ.

Хөтлөгч: Чингис хаан ямар аймгийнханыг тэрэгний бултай чацуулж хядсан бэ? гэсэн нэг нөхөр эргэлзэх юмгүй шууд Архангай. А үсэгнээс эхлээд аймгуудыг буудаж байгаам байлгүй чааваас.

Хөтлөгч: Альваа юмны хэлбэр дүрсийг ямар эрхтэнээрээ мэдэрдэг вэ гэтэл өөдөөс нь Хамар гэсэн хариу ирэв.

Хөтлөгч: ... цагаан хөлгөөрөө дүүлж явнаа хө гэж дуу байдаг. Ямар хүлэг вэ? гэтэл төмөр хөлөг, аргамаг хүлэг, хурдан хүлэг, ажнай гэх мэтийн сонин хариу сонсов.

Хөтлөгч: манай гариг хэдэн эх газартай вэ гэж асуутал нэг нүдний шилтэй жаахан хүү айймаар бодол болж байснаа Зуууууун хорин зургаа байхаа гэж наасан. Арынх нь хүүхэд тэгсэн гарч ирэнгүүтээ Зуууун хорин долоо гэв. хахаха Манай гариг гэнгүүт л аймаар том тоо хэлэх байх гэж ойлгосон бололтой.

Саяхан болсон нэг баяр дээр манай ажлынхан АХА явуулаад: Хөтлөгч: Богд хааны их хатаны нэр гэсэн чинь манай ажлын нэг бүсгүй Жавзанпагма гэж хэлсэнээсээ болоод одоо нэр нь Пагма болчихоод л явж байна.

За өөр та бүхний санаанд иймэрхүү хөгжилтэй асуулт хариулт байвал бичээрэй. Хаврын инээдмийН сизон нээгдсэнийг мэдэгдье.