Pages

2007-06-21

Сайн уу Ганбаа?

Ганбаатар: Юу л болоод байна даа хө?
Ганбаа: Хоолой амархан өвдчөөд байдаг болохоор нөгөө хүмүүсийн яриад байдаг Зүрхэндээ орно гэгч нь болж байж мэдэх юм... Эсвэл зүгээр дурлачихав уу?, бүү мэд ойрд нэг л жигтэй байна. Эсвэл сүүлийн үед сонгодог хөгжим ойлгодог болох гээд хүчээр байнга сонсож байгаа Моцартын аялгуунууд нөлөөлөөд байна уу? Ямарч л байсан миний дотор ямар нэг өөрчлөлт болоод байх шигээ, хэлж мэдэхгүй юм.

Ганбаатар: за тэр ч яахав, энд нэг их бичээд яах вэ хө, өөр сонин сайхан юутай?
Ганбаа: Өөр үү, өөр сонин гэвэл, саяхан блог дээрээ хичээнгүйлэн бодож үзнэ гэж хариулсан нэг зүйлийг үнэхээр хийхийг хүсэж байна. Амьдрах хүслэн блог дахь Батзаяа охинд хэрхэн туслах тухайгаа их бодож үзлээ, зүгээр нэг мөнгө хандивлаад өнгөрөлгүй, хүмүүсээс арай өөрөөр илүү их тус болохыг бодож байгаа. Илүү олон хүнийг татан оролцуулж залуу сайхан охиныг эрүүл болгохын тулд яах вэ гэж бодсоор хэд ч хоночив. Би яаж туслах талаараа нэг шийдэл олсон, миний блогоор орж гардаг андууд маань идэвхтэй оролцоно гэдэгт итгэлтэй байгаа. Дараагийн постоороо юу сэдсэн талаараа та бүхэнтэй хуваалцана. Тэр үед надад тусламж их хэрэг болно.

Ганбаатар: Яагаад заавал тэр охинд туслах гээд байгаа юм бэ?
Ганбаа: Хүрэхийг хүссэн зорилго руугаа алхам алхамаар ойртож яваа олон залуусын нэг билээ би. Аль болох чигээрээ явж, үхэхээсээ өмнө бага хугацаанд зорилгоо биелүүлэх ёстой. Гэхдээ амьдралд үргэлж чигээрээ явдаг зам гэж үгүй, гарахад хэцүү эргүүлэгт эргэлдэн орох нь олонтаа. Ийм үед хүмүүс намайг эргүүлгээс гарахад минь тусладаг байгаасай гэж аминчхан хүсдэг. Хүмүүс надад туслах эсэх нь би өмнө нь хүмүүсийг хүнд хэцүү сорилт даван туулахад нь туслаж байсан эсэхээс ихээхэн хамааралтай гэж ойлгодог. Зорилго хүсэл тэмүүлэлтэй хүнд туслах нь өөртөө туслаж байгаагаас өөрцгүй гэж хар санаалан боддог.
Утга учиртай амьдарч байсан маань цаг хугацааны орон зайд бяцхан ч болтугай оршиж байгаасай гэдэг утгаараа ч тэр, өөрөө сэтгэл хангалуун байхын тулд ч тэр, би энэ охинд тус болохыг үнэхээр хичээж байгаа.
Надтай ижил боддог хүмүүст ч тийм боломжийг нээж өгөхийг хүсэж байна...

2007-06-16

Хэнийх ч биш гэж үү?

Өнөөдөр бороотой сэрүүхэн сайхан өдөр байна. Хагас жилийн өмнө хийсэн програм дээрх доголдолыг арилгалаа, тухайн үед анзаараагүй боловч яалт ч үгүй алдаатай solutoin байжээ. Алдаагаа засчихлаа, нэгэнт цаг зав гайгүй болсоных блог жаахан хэслээ.

Зэрэглээгийн блогыг уншиж яваад Амарсайхан ахын сэтгэгдэлээс сэдэвлээд ер нь энэ сэдвээр бодож явдаг зүйлээ бичье гэж шийдэв.

Саяхан gym бэлтгэл дээр хэдэн ах нар ярилцаж байна. Удахгүй тарвага гарахаар боодог ч сайхан даа, ах нь ноднин боодогыг яг гаргахдаа дээр нь архи хийж үзсэн ёстой янзын, ... Нөгөөх нь тэр чинь гайгүй, дөнгөж агнасан гөрөөсний цусыг тэр доор нь 400гр-ыг нь 200гр архитай холиод уухаар яадаг гээч? Яадаг? Тэр дороо мансуураад л явчина, Чалх сайжирна гэж жигтэйхэн. Бэлтгэл хийж байгаа маниуст ч ёстой эм дээ тэр чинь... Танайхан өнгөрсөн жил загасанд явсан уу? Явсан Ийм том [мөр хавьцаа заав] тул барьсан...

Тэд нар яриандаа өөрсдөө бүүр хөөрчихсөн нэг л их ид хав болгосон нүгэлт хар гөрөөчид, тойроод зогссон хэдэн банди нарын шүлс нь гоожих янзтай, хэлсэн үгээр нь замнах шинжтэй.

Эндээс намайг юу гэх гээд байгааг та гадарлаа биз дээ... Монгол оронд ан амьтан араатан жигүүртэн тэр тусмаа нэн ховор амьтад устаж үгүй болж байна, хамгаална, үржүүлнэ гээд л байх, нутагт цагаан зээр үзэгдэхээ байлаа гэх хөгшид, огт тарвагагүй болсон олон газрууд, машины дугуйнд сүйтгэгдсэн, гал түймэрт хуйхлуулсан сая сая га газрууд, ой модууд. Хэрэглээд хаясан уурхайн газрууд...

Ер нь юу болоод байгаан бэ? Бид нар хэтэрхий жижиг мөрөөдөж хэтэрхий жижиг сэтгэж байна.

Шороотой наадмын тухай сая бас Докын блог дээрээс харлаа. Одоо удахгүй Отгонтэнгэрийн тахилга болно. Төрийн тэргүүдээс авахуулаад Завханы гаралтай бүхэн очиж гоё дээлээрээ fashion show хийнэ. Уул усандаа хогоор өргөл барьц өргөнө. Бүх Овоогоо хадгаар бүрнэ. Ховор ургамалын хэд хэдэн төрөл зүйл устана. Өндөр уулын тагт дах өвс ургамал хүн даахгүй талхлагдана. Сайхан сайхан нуурууд согтуу амрагчдын beach болж хувирна... хм!

Бид нар хязгааргүй баян нутагт төрөөгүй билээ. Агнаад л, түүгээд л, талхалаад л, шатаагаад л, хогоор булаад л, сэндийлээд л байх уу?

...Эцсийн мод тайруулж, эцсийн загас шаруулж, сүүлийн цэцэг хатаж, сүүлчийн гол ширгэхэд хүмүүс та нар мөнгийг идэж болдоггүйг ойлгоно. [unknown source]

2007-06-15

Онцлон танилцуулах үйл явдал

Өнөөдөр Огоо тэргүүтэй таван залуу өнөөх алдартай номыг монгол хэлнээ хөрвүүлж дуусаад худалдааны нээлтийг нь төв номын санд хийлээ. Зорьж очсон мундаг хүмүүсийг хараад залуусаараа бахархаад нулимс цийлэгнэж суухтий. :D
Бүгдээрээгийн Оюунгэрэл сурвалжлага хийгээд би зураг-алаач хийгээд Отгонпүрэв андаас бичкээн ярилцлага авсан. Техник саатлын улмаас өнөөдөр видеогоо паблишдаж чадсангүй боловч Удахгүй youtube дээр ачаад бүгдээрээ дээрээс холбоос хийх тул та бүхэн иргэн сурвалжлагчийн бэлтгэсэн бичлэгийг үзээрэй.

related:
http://www.bugdeeree.mn/?p=1522
http://www.bugdeeree.mn/?p=1524

2007-06-14

Umbrella

Сайхан бороо ороод гоё байшү, дунд дүү амраад явчихсан чинь гэрийн хаана юу байгааг бага дүү бид хоёр мэддэггүй ээ (манай гэрийн мэнэжэр юм л даа гсн), шүхэр хаана байгаан бүү мэд, өглөө хайгаад олсонгүй, хоёулаа бороо намдахыг хүлээж байгаад жоохон гайгүй болонгуут гараад л гүйчихлээ. Төв зам орох замын талд явж байтал айхтар ширүүн бороо орчлоо шдээ. Ёстой баларсан юм боллоо шүү хэ хэ. Одоо ажил дээрээ суугаад “хатаж” байна :D

Ойрд блог бичээгүй болохоор шүхэр мүхэрхэн ч хамаагүй нэг бичлэг оруулж байгаа маань энэ. Хожим шүхэр хаана байгаагаа мэдэж байхгүй бол энэ мэт балардаг л юм байна шүү хүүхдүүдээ.

Шүхэр гэснээс өнгөрсөн зун шүхэрээ хаана байгааг мэддэг байлаа л даа, нэг бороотой өглөө ажилдаа ирж явтал урд нэг дажгүй бүсгүй алхаж явна шүү, даанч шүхэр нь нугалаасаараа гарын хир ороод тэр нь нороод айхтар тод харагдаж байнаа, ах дотроо ийм дажгүй бүсгүй байжыж шүхэрээ угаачихгүй дээ ухааны юм бодоод л өнгөрсөн. Ажил дээрээ ирээд шүхэрээ хатаах гээд дэлгээстэй чигээр нь тавиад харсан чинь миний шүхэр яг тийм хиртэй байсан байна лээ шд... хэ хэ Шүхэрээ гэж...