Дэлхий бөөрөнхий биш

Энэ номыг хүмүүст танилцуулахаар өөдөөс тэгээд дөрвөлжин болчихоо юу гэж ирээд хошигнож байгаатай хэд хэдэн удаа таарсаныг эс тооцвол хүмүүст маш сонирхолтой өгүүлэмжээр орчин үеийн эдийн засаг болон мэдээллийн технологийн өнөөгийн, ирээдүйн хөгжлийн талаар сүрхий алсыг харсан өргөн цар хүрээ бүхий ном юм аа. Өнгөрсөн 2006 онд энэ номоор үнэндээ дэлхий даяараа амьсгалж, амтай болгон тайлбар рэвьюү сэтгэгдэл бичээд байсан болохоор компаны технологийн ном захиалга хийн авчруулахдаа дундуур нь захиад авчруулж уншиж байсан юм. Хавтгайруулагч арван хүчин зүйл болон бас бус сонирхол татсан хэсгийг арай ядан уншсан ч үргэлжлүүлэн энэ зузаан номыг уншиж дуусгах англи хэлний зэвсгийн эрдэм дулимаг байснаас болоод Отгонпүрэв андыг бушуухан орчуулж дуусаасай гэж байж ядаж байлаа гэж. Орчуулгын хувьд хүмүүс нэрээс нь болоод бага зэрэг эргэлзээ төрсөн байж мэдэх л юм. Гэхдээ уншаад үзсэн хүмүүс бүгд л шүүмжлэх аргагүй сайн болсон гэж байна билээ. Миний хувьд англи хэл дээрх ном болон монгол хэл дээрх номны зузааныг харьцуулж хараад гайхсан. Англиасаа нимгэн болсон монгол номыг анх хараад дотроос нь хасалт хийчихсэн юм болов уу гэж сэжиглэсэнийг нуугаад яахав. За за номны агуулгын тухай биш гадар өнгө харагдах байдал гээд баахан ач холбогдолгүй зүйл биччихлээ.

Уг номны талаар өөрийн дүгнэлтийг хэрхэн хийх вэ гэж сая хэсэг бодож суулаа л даа, тэгээд ингэж бичихээр боллоо:

- Хурд, ерөөсөө Фенгшү амьдаагийн маань нэг номон дээрээ өгүүлээд байсан хурдны талаар л эцсийн эцэст бичих хэрэгтэй санагдаад байна. Гэхдээ зүгээрч нэг “Бушуу туулай борвиндоо баастай” хурд биш жинхэнэ потенциалны сүргийн хурдны тухай бодож байна. (ийм юм байдаг эсэхийг хэлж мэдэхгүй юм) Бидэнд бусдаас илүү хүний нөөц гэж байхгүй, гэхдээ хангалттай хурдан байж чадах оюуны потенциал бүхий ард түмэн бий.(?) Тодруулбал Араатны хаан арслан гөрөөсөө хөөж л байг, хүчит хөлтэй гөрөөс зугтаадгаараа зугтааж л байг, харин хээрийн хөх чоно дангаараа арслангаас зугтааж дийлэхгүй, гөрөөсийг ч хөөгөөд гүйцэхгүй, гэхдээ сүргээрээ байхад арслан ойртохгүй, хөрөөдөж хөөхөд гөрөөс зугтааж дийлэхгүй. Өөрөөр хэлбэл бидэнд арслан шиг хүч байхгүй ч найдах тулгууртай, гөрөөс шиг хурд байхгүй ч толгойдоо (бүгд л толгой тархины хурд ярьж байгаа бөгөөд энд би бусдаа илүү гэдэг санааг гаргах үүднээс ийн бичив.) илүү хурдтай байх зүй ёсны шаардлага тулгарчээ гэж бодогдож байна.

Халуун нар мандан хөөрөхөд
Хамаг амьтан гүйлдэхээс аргагүй
Харин бид = (сүрэг чоно)?”амьдрал”:”үхэл”;

Хэтэрхий өрөөсгөл, хэт гэнэн хандлага бүхий дүгнэлт байж болох хэдий ч та бүхэн энэ номыг заавал уншиж үзээрэй. Эргээд нэг бодоод үзээрэй. Америк хоцорч байгаа тухайгаа ярьж байхад гүйцэх тухай мөрөөдөл ч үгүй бидэнд ямар замнал байх вэ гэдэг үнэхээр бачимдмаар шүү. Гэхдээ амьдрах сайхаан.

related: http://otgonpurew.blogspot.com

Албан харилцааны ёс зүй

Б.Гүндэгмаа автортай энэхүү ном нь хүмүүс хоорондын уламжлалт харилцааны ёс зүй албан хэргийн ертөнцөд хэрхэн боловсронгуй болж мөрдөгдөж байдаг тухай өгүүлжээ. Тодруулбал ажил хэргээ сайн явуулах алдар нэр амжилт ололт ашиг орлого олоход эелдэг соёлч боловсон байдал харилцааны ёс зүйг мөрдлөгө болгон сахих явдал чухал үүрэгтэй гэсэн үзлээр бичигджээ.

Ялдам байдлаар баялагт хүр, ялдам байж эс чадсан ч баялагт хүр гэсэн үгийг хаа нэгтээгээс тогтоогоод авчиж. Гэхдээ энэ үгээс илүүтэй энэ номонд дурдсан зөвлөмжүүдийг санаж явах нь хаа нэгтээ эвгүй байдалд орох, бүтэлгүйтэх, алдаа гаргахгүй байхад тус болно. Юутай ч гэсэн ялдам байдлаар баялагт хүрэхийг хүсвэл та энэ номыг олж уншаарай. Миний хувьд эндээс огт дуулж байгаагүй наад захын соёл заншил олныг мэдэж авсан бөгөөд өөрт хэрэгтэй зарим нэгээс энд тэмдэглэн үлдээлээ.

1. Энэ номыг уншиж байхад телевизээр Загалмайлсан эцэг гарч таарлаа л даа. Дүү Майкл Каролеон нь армийн хүн болох шийдвэрээ эцгийнхээ төрсөн өдрөөр хэлэх гэж байгааг дуулсан буржгар үст ах нь түүнийг зэмлэж байтал аав нь ангаас ирж хүмүүс шуугилдан үүдний өрөө уруу бужигнан алга болдог хэсэг байдаг даа. Өрөөнд ганцаараа үлдсэн өөрийнхөө шийдвэрт хатуу итгэлтэй байгаагаа илтгэсэн харцтай Майкл архитай хундагыг гуравны нэгээс нь өөрөөр хэлбэл дунд хэсгээс нь хуруугаараа өнгөцхөн барин уух нь үнэхээр гайхалтай харагдсан. Би яг ном уншиж суусан тэр ч бүү хэл “хундагыг шилбэнээс нь хэрэв шилбэгүй бол гуравны нэгээс нь өөрөөр хэлбэл дунд хэсгээс нь хуруугаараа өнгөцхөн барина” гэж уншиж суулаа. Зүгээрч нэг донжтой харагдах гэж хоосон хэлбэрдэж байгаа юм шиг санагдаагүй шүү.

2. Японы компаниуд “Манай байгууллага таны сайн сайхан амьдрах үүсвэр болсон цалинг өгдөг тул эргээд таны хувцаслалтанд шаардлага тавих эрхтэй. Учир нь таны хувцас манай компаний нүүр царайг харуулах хамгийн эхний баримт болно” гэж үзэж, ажилтануудаа хувцас солих, хадгалах өрөө зэргээр хангахыг чухалд үздэг байна.

3. Нэрийн хуудас дээр товчилсон үгс бичиж захидал төлөөлөх соёл гэж бий. Голцуу Франц хэлний үгсийн товчлолыг дэлхий даяар бичиж заншсан бөгөөд жишээ нь:

p.p (pour presenter) нь танилцуулах гэсэн утгатай бөгөөд хүмүүсийг хооронд нь танилцуулахад зуучилж буй хүн өөрийн нэрийн хуудсанд бичиж өгдөг.

p.f (pour feliciter) – аз жаргал хүсье, баяр хүргье

p.r (pour remercier) – талархал илэрхийлье

p.c (pour condoler) – эмгэнэл илэрхийлье

p.p.p (pour prendre part) – эмгэнэл илэрхийлж, туслахад бэлэн байгаагаа илэрхийлье

p.p.c (pour prendre conge) – уучлал хүсэх (уулзаж чадалгүй явах тохиолдолд гм)

p.f.n.a (pour feliciter nouvel an) – шинэ жилийн баяр хүргэн аз жаргал эрүүл энхийг хүсэж байна.

p.p, p.p.c, pr гэж бичсэн нэрийн хуудсанд хариу бичдэггүй.

p.c, p.p.p, p.f гэсэн бичигтэй нэрийн хуудсанд өөрийн нэрийн хуудсан дээр “баярлалаа” буюу p.r гэж бичиж өгнө.

Мөн заавал товчилж бичилгүй баяр хүргье гэх мэтээр жижиг өгүүлбэрээр бичээд өгч болно. Эдгээр бичлэгүүдийг нэрийн хуудасны зүүн доод талд нь бичдэг.

Хүнд бэлэг өгөх соёлоос авахуулаад, хаана ямар цаг хугацаанд хүнийг хэрхэн магтахад илүү таатай байдаг тухай, архи тамхи хэрэглэх, ширээнд суух, машин тэрэг жолоодох, тэр ч бүү хэл эмэгтэйчүүд өөрийн өгзөгний хэлбэрээс хамааран ямар гутал сонгох талаар хүртэл энд байна. Сонирхолтой мэдүүштэй зүйлээр дүүрэн даруухан боловч “том” ном.

2007 - Зуны тайлан

За хө ойрд ажил мажил баннэр маннэр ус мус гэсээр блог дээрээ төдийлөн бичлэг нэмсэнгүй ээ, зав зай гарсаных жаал бураад авая, өнөөдрийн хуралд хоцорч ирээд оролцож чадсангүй шив. Нөхөд уучлаарай, Манай хотод зам засна гэж нэг айхтар ажил байхымаа. Яарсан сандарсан үед бараг л машин дотор боож үхэхээ шахах юм. Тэгээд олигтой ч засаж байгаа юм алга, чадкуум бол ухаж төнхөж түгжрүүлж байхаа больмоор юм гэж хэлсэн таксины жолоочийн үг үнэний ортойдогоо янз нь. За тэр ч яахав, Гэснээс саяхан нэг анонимосын бичсэн сэтгэгдэлээс харлаа, сүүлийн үеийн бичлэгүүд маань нэг л бусдыг шүүмжлэх аястай болоод явчихсаныг анзаарав. Уул нь би өөрөө нэг их сүрхий амьтан биш болохоор бусдыг шүүмжлэх хорхойгоо дарж “амьдардаг” хүн л дээ. Тэр сэтгэгдэл үлдээсэн хүний үг ерөнхийдөө миний янзыг үзэх хандлагатай байснаас биш шүүмжлэлийн тухайд бол надад мартсаныг маань сануулав. Баярлалаа гэх нь ч хаашаа юм дээ... гсн

Зарим нэг бичкээн (үнэндээ том ч юм уу бүү мэддээ) шалтгаан хүнийг айхтар хямруулах шидтэй байдийм байна. Энд тэнд нисдэг тэрэг унаж, айхтар гүүр нурж хүн амьтан сүйрсэн тухай мэдээ уншиж байхад лав өчүүхэн доргилт өгөөгүй мөртлөө сэтгэл дотор байдаг бяцхан гүүр түр юм уу бүүр юм уу мэдэгдэхгүй хугацаагаар нурахад аймаар донсолж доргиж сүйд болохоо шахав. Аминчхан ч амьтан бололтойм доо би. За сэтгэл санааны хувьд бол нэг иймэрхүү, Энэ асуудлыг битүүлэг чигээр нь үлдээгээд цаашаа...

Сониноос усанд сэлж сураад бөөн баяртай, кайфтай байгаа л даа. Мэлхий сэлэлт сурах гэж хэд ч живчив бүү мэд, эхлээд аймаар сандраад бараг туслаарай гэж хашгирахаа шахдаг байсан одоо нэг амьсгаа алдахад дараагийн түлхэлт хүртэлээ тэвчиж байгаад живэлтээ зохицуулдаг болсоноор барахгүй мэлхий сэлэлтээр нилээд гайгүй яваад байдаг болсон шүү. Өнөөдрөөс даллалтаа сурах төлөвлөгөөтэй байгаа. Гэснээс нээрэн нөгөө хүн дооглож инээдэг маань бараг хэвээрээ. Өөрөө аймаар муу сэлдэг байжийж живж байгаа хүн дооглож инээсээр л ... саяхан сэлж явахдаа хажуугийн зам дээрх бас нэг эхлэн суралцагчийг тийрээд, тэрэндээ баясаад усан дотор инээчихсэн чинь хлортой ус балгаад сандарсандаа живээд... энэ муу инээд үү. Ядаж байхад Цээгийгийн гачин сэлэхийг яаанаа. Нэг л их гүн амьсгаа авсан хүн ха ха ха. За спортын хувьд нэг иймэрхүү, усанд сэлэлтийн тэмцээн үзэх их дуртай болсон. Шинжлэх ухаанчаар ухамсартайгаар сэлэлтийн техник эд нарыг нь судлаад байдаг болсон гэжуга... :P

Төлөвлөөд авсан боловч уншиж амжаагүй номууд номын сангаар нэг байгаад бага зэрэг сэтгэл дундуур... Гэхдээ яахав ээ энэ хавраас хойш уншсан номууддаа чадах чинээгээрээ ревюү бичихээр жагсаатал бас ч чамгүй тоо гарав. Дараагийн бичлэгээс эхлээд номын тоймоор хэсэг занималднаа хө. За уншлага бичлэгийн хувьд нэг иймэрхүү... Харин дуусаагүй хэд хэдэн номнууд байгааг хурдлахгүй бол ажилууд зэрэг зэрэг оволзоод эхэлдэг намар цаг хаяанд айсуй Ганбаа минь гсн...

Ажлын хувьд харин халуун байснаас болж баахан лазан хөдөлсөнийг эс тооцвол энэ зун чамлахааргүй л юм сурлаа шүү. Ямар ч байсан хамгийн муу програмист биш гэдэгтээ нэн итгэлтэй наасан. Ерөнхийдөө бол Java уруу нилээд хүчтэй татагдав. Томоо төслийн ард гарах ч ойртож байх шиг байна. Сурсан мэдсэн юм ч гэж ойгүй :P Хамтран зүтгэгч багийнхандаа баярлаж байгаа шүү, та нар минь их мундаг шүү... Бас Бүгдээрээ сайт маань байна. Эхний төлөвлөгөө бага зэрэг хоцорч дууссанаас биш амжилттай явж байгаа, бас л мундаг мундаг хүмүүстэй хамтарч байгаа болохоор та бүхнээсээ сурсан мэдсэн зүйл асар их шүү. Бүгдээрээ шүүү... Зиак ерөнхийдөө нэг иймэрхүү шив.

Дөрөв дэх баннэр байраа эзэллээ

Саяхан шинээр үүд хаалгаа нээснээ мэдэгдэж байсан “Номун Далай” - Монгол номын цахим дэлгүүрийн сүлжээний тухай та бүхэн дуулсан бизээ. Тэдний хамт олон Батзаяа охинд тус болохоор тусч баннэраа илгээжээ.

…Өнөө цагийн Монгол түмэн та бидэнд эрдэм ухаанд суурилан хэрэгжих учиртай:

♦ хэл соёлоо хадгалж үлдэх, хөгжүүлэх;
♦ хүн төрөлхтөний соёлыг өөрийн соёлын өнгө онцлогоор баяжуулан чимэх хэмээсэн хос үүрэг оногдож буй хийгээд эл үүргээ эс биелүүлвээс
♦ гадаад улс орнуудад суугаа Монголчуудын хувьд эх хэлээ мартах, өв соёлоосоо алслагдах, гадны хэл соёлд аажмаар уусах;
♦ та бидний хэл соёлын үнэт зүйлсийг бусад улс орны ард түмэн утгачилан ойлгохгүйд хүрэх гэсэн мөн л хос түгшүүр хаалга дэлдэж буй нь бодит үнэн болжээ. Энэхүү хос түгшүүрийг арилгаж, үүргээ биелүүлэхийн гол учиг нь та бид аливааг тунгаан шүүж, зохист шийдэлийг гаргаж чадах оюуны бяр тэнхээтэй байх, түүнийгээ Монгол ухааны их далайгаас тэтгэн тэжээж байх явдал билээ. Үйл ажиллагаагаа эхлүүлж буй Номун Далай цахим дэлгүүрийн сүлжээ нь Монгол түмний энэхүү оюун далайг тэтгэн сэлбэх эрхэм зорилготой… Сайнбаярын блогоос

Эрхэм та номын далайд тавтай морилно уу!

Гурав дахь баннэр байраа эзэллээ

Энэ удаа маш нууцлаг нэгэн хүн Ubuntu Linux-ын сайтын сурталчилгааг хийхээр манай http://banner.bugdeeree.mn - ийнхэнтэй холбогдлоо. Би ч бас сурталчилгаанд нь автаад саяхан Ubuntu 7.04-ыг өөрийн ажлын ПК дээрээ суулгасан, одоо ашиглаж байгаа. Үргэлжлэл -> www.bugdeeree.mn

Хоёр дахь баннэр байраа эзэллээ

Өнөөдөр манай компаний MS-CRM-ыг нэвтрүүлэх ажлыг хариуцан гүйцэтгэж байгаа програмист Анхбаяр өөрийн блогийн баннэрыг Тусч баннэруудын цуваанд нэгтгэлээ. CRM (Customer Relationship Management)-гэдэг зүйлийг одоохондоо манай бизнэсийн байгууллагууд төдийлөн ойлгож хэрэглэх талаар бодоогүй байж мэдэх юм. Энэ талаар мэдлэгээ өргөжүүлж, бүүр ашиглах хэмжээнд мэдээлэл авахыг хүсвэл, мөн манайд захиалаад нэвтрүүлэхийг хүссэн бүх хүмүүсийг Анхаагийн блогт урьж байна. Мөн бизнэс удирдлагыг сонирхогчид ч ороод гарахад гэмгүй бизээ.

Тусч баннерууд

Багажныхаа саванд алханаас өөр зүйлгүй хүнд бүх асуудал хадаас мэт харагддаг.
[Unknown source]
[илүү ихийг хийж чадахгүйдээ өөрийгөө л ёжилж байгаа ухаантай юм шүү]

Өөрийн блог дээрх сэтгэгдэлийн мөрөөр анх Батзаяа охины блогоор орж түүнд туслах юмсан гэсэн чин сэтгэл төрсөн билээ. Би тийм ч “за гэвэл ёогүй” хүн биш л дээ, заримдаа шантрахаараа гэнэт ер нь больёоо бууж өгье өө гээд буу шийдмээ хураачихдаг муу зантай. Харин энэ удаа аятайхан юм бодож олоод дорвитойхон тус болчих юмсан гэж өдрийн бодол шөнийн зүүд боллоо. Мэдээж би “насаараа” вэб нухсан хүн, багажныхаа хайрцагт ганцхан “алх”-тай, тэгээд бүх л асуудалд веб хийчих гээд байдаг юм. Энэ удаа ч бас алхтай л бол бүх зүйл хадаас гэдэг зарчимынхаа дагуу нэг веб хийе л гэж бодоод байсан хэрэг.

Бодоод л байлаа бодоод л байлаа... Тэгсэн нэг өдөр өөрийнхөө блог дээрээс “хадаасаа” олдог байшүү.

Анх блог бичиж байх үед юмдаг, “амжилтын түүх” гэдэг цуврал бичье гэж бодоод нэг Залуу сая долларын сайт хийсэн тухай бичлэг оруулж байлаа. Тэрийгээ хармагцаа л би ч гэсэн ийм сайт хийгээд үзье л дээ (мундаг хуулбарлагч байгаа биз?), гэхдээ бас юу юугүй дуурайх хэрэггүй, асуудал байнаа. 1 пиксэл нь нэг доллар гэвэл манайханд өндөр үнэтэй тусна тэгээд ч цөөхүүлээ учир дэлгэцээ дүүргэж чадахгүй дэмий юм болох байх. Тэгж тэгж ер нь өндрийг нь 200 пиксэлээр хязгаарлаад өргөнийх нь 1 пиксэлийг нэгхэн ам.доллараар үнэлээд тэгээд жаваскриптээр баруунаас зүүн тийш нь урсгачихья гэж бодсон юм.

Нухаж нухаж анхны скриптээ “бичээд” баннэрууд урсдаг боллоо. Гэх мэтчилэн ахиулсаар нэг орой суужээ байсан чинь Гансүх агаа манайд орж ирдийн байна. Би ч олзуурхаад юу хийж байгаагаа тайлбарлаад хийсэн юм аа ч үзүүллээ дээ, тэгсэн харин шууд л анхны баннерийн захиалга ороод ирдэг байгаа. Тэгээд бас надад хүмүүс доор нь сэтгэгдэлээ бичдэг болвол их зүгээр юм байна гэсэн санааг Гансүх ах маань хэлсэн юм шүү, Би ч тэр дор нь хүлээж авлаа.

20 пиксэлийн өргөнтэй фото зургийн CD-ныхээ баннэрыг маргааш өглөө нь л над руу имэйлдчихсэн байв.

Үүнд ихэд урамшаад нэг бичлэг паблишдаж хүмүүст битүү ч атугай мэссэж хүргээд авсан юм. Өдөр нь ажлынхаа хэдэд ярьж өглөө, бүгдээрээ л талархалтай сайхан хүлээж авдаг юм байна. Гэсэн харин Болорбат гээд манай CRM-ын туслах програмист залуу “баннэруудаа сайт ачаалагдахад санамсаргүй байдлаар эрэмбэлж гаргадаг болгохгүй бол олон баннэр цувчихсан тохиолдолд сүүлийн баннэр шудрага бус байдалд гарах юм байна” гэсэн онош тавьсанаар дараагийн даалгавартаа орлоо. Javascript-ыг “хадаас хадах” хэмжээндээ бол мэднэ л дээ. Тэгсэн тодорхой хэдэн тоонуудыг санамсаргүйгээр байдлаар сугалаад давхардуулахгүй цэгцэрүүлж харуулна гэдэг ажлыг JS дээрээ бардаггүй дээ. Ядаж байхад гадаа ажлын цонхон доор барилга бариад өглөө ирээд харах болгонд л аймаар их ажил гялалзуулчихсан, би бахь байдгаараа хэдхэн мөрөн дээр тэнэгээ гайхаад л гсн. Учир начирыг нь олохгүй хэсэг энүүгээр тэрүүгээр эргэлдэж байгаад эцэст нь PHP дээрээ шийдэхээс өөр аргагүй болов оо хөөрхий. Айлаас эрэхээр авдараа уудлаа гэдэг үг зурс хийсэн шүү.

Ингэж ингэж арай гэж тусч баннэруудын цуваа маань бэлэн болдог юм байж. Гэхдээ бас интернэт explorer дээр сэтгэгдэл бичих хэсгийн коод маань гажигтай ажиллаж байгааг сая дөнгөж илрүүллээ. Гээд яахав явцын дунд нь засчихнаа. Учир нь олдож л таараа.

Одоо л бүх юм эхлэж байна даа.

Бүгдээрээ.мн - ий шинэ дизайны чимхлүүр ажил ч ойролцоо дуусаж одоо ийн зэрэг та бүхэндээ хүргэж байнаа.

Та бүхэн хэрэв Батзаяа охинд тус болохыг мөн өөрийн бараа бүтээгдэхүүн үйлчилгээг оновчтой сурталчлахыг, өөрийгөө бусдад харуулахыг мөн дэлхий хир "хавтгай" болохыг үзмээр байвал Бүгдээрээ сайтынхантай холбогдоорой. Таныг бидэнтэй холбогдоход хялбар байлгах үүднээс дараах бололцоог бий болголоо. Үүнд:

И-майл болон утсаар холбогдоод төлбөрөө:
Банкны шилжүүлгээр хийх
Банкны гуйвуулгаар хийх
Кредит картаар хийх [яг одоохондоо боломжгүй байгаа]

Шууд манай оффист хүрэлцэн ирж төлбөрөө:
Бэлнээр хийх
Банкны шилжүүлгээр хийх
Банкны гуйвуулгаар хийх зэрэг бололцоотой.

Ингээд бичлэгийнхээ төгсгөлд бизнес эрхлэгч хэн бүхэнд, блог бичигч танд ч тэр, орж гарч зочлон өнгөрч буй хүмүүст ч бас ер нь хүн бүхэнд хандаж хэлэхэд нэг пиксэл шиг өчүүүхэн ч атугай сайхан сэтгэлийн ач тус эргээд таны дээрээс зөөлнөөр шиврэх хүнлэг сэтгэлийн дулаахан бороо болж заавал орно гэдэгт итгээрэй гэе.

Баяртай мэдээ хуваалцъяаа!!!

Пөөөх нөгөө үерийн усанд бөглөрөөд 8н уурхайчин дарагдсан аюултай хэрэг гараад аврахаар өдөр шөнөгүй ухаж байна гэж байсан хэрэг амжилттай дууссан гэнэ. Бүгд эсэн мэнд гарч иржээ. Аврах ангийнхан болон хүчин зүтгэл гаргаж үүргээ нэр төртэй биелүүлсэн тэдгээр эрсийг өчигдөр зурагтаар харахад үнэхээр таатай байлаа. Бахархаж байна. 120 гаруй мэтэр газрыг жижиг гар хүрзээр тасралтгүй ухаж, модоор бэхэлгээг нь өрсөөр 24-н цагийн турш аврахаар ажилласан гэнэ. Үнэхээр бахархалтай. Ямарч байсан амьд гарсан уурхайчдад баяр хүргье! Хар нүхэнд дарагдах үнэхээр аймшигтай байсан байх даа.
Манайхан алдаа эндэгдэл, аваар осол гарахад аймаар хар пи ар хийцгээж далимдуулаад дарга даамлууд заамдалцаж энэ тэр ритингээ өсгөх гэж оролдоцгоодог. Энэ удаа бие биендээ баяр хүргэж, магтаж энэ тэр цагаан пи ар хийх шалтаг гарсаныг анзаарч байгаа болов уу?

Удахгүй

Ойрд аймаар халуун байснаас болоод нэг айхтар том далбагар ногоон малгай олж авлаа, хар халуунд нар салхинаас хааж л байвал барав болоод оо. Ажил дээрээ зарим үед халууцаад балрах шахах юм. Өчигдөр ажлынхантайгаа ундны цагаар бас юунаас ч болоод тийм юм ярьчив мэдэхгүй, нэг “фортэр”-той бас сайхан зайрмаг хийж чаддаг хүнтэй бол явуулын зайрмагны түц ажлуулахгүй юу гэж ирээд л мөрөөдөв. (нөгөө даанч давс байхгүй гэдэг онигоо шиг л...) Ажлын нь гадаа ирээд “Цөцгийтэй зайрмаг” гээд л дуу явуулаад, паррр хийтэл сүүдрэвчээ угсараад л зарж гарвал хир сайн бизнэс болох бол гэж хэлээд баахан дооглуулав. Юм л бол фортер яриад байсан нь миний буруу л даа, гэхдээ блог найз нараа манай ажлынханд миний зөв байсаан гэдгийг батлаад, манай ажил дээр зайрмаг авчирч өгөөч гсн... Энэ хар халуунаас болж нээрэн элдэв дэмий юм бодож байна шүү...

Харин ашгүй ойрд бороо ороод сэрүүхэн, жаахан амьсгаа авахтай байна. За яриа өдсөн хүн цаг агаараас эхэлдэг гэдэг шиг баахан дэмий юм биччихлээ.

Удахгүй гэж гарчиг өгсөний учир нь нөгөө охинд тус болох санааг маань Бүгдээрээгийнхэн маань дэмжсэн гэдгийг дуулгах гэсэн юм. Одоохондоо түрхэн нууцлаад байгаа ч энэ хүрээнд хийгдэх бяцхан ажил дуусах шатандаа орчлоо. Тун ч удахгүй дээ гэж л хэлье... Шал дэмий юм санаачлаагүй байгаа даа гэж залбирч сууна даа.

Хос ялааны дууль

Бодит түүхээс сэдэвлэн бичив

Энд нэг ядаргаатай ялаа яг намайг тойрч энд тэндээс ирж мөргөж ихээхэн зэвүү хүргээд байхыг бодвол надтай нэгийгээ үзье гэж шийдсэн бололтоймаа. Учир нь түрүүхэн манай гэрт амьдардаг хос ялааны нэгийг гэрээ шүүрдэж байгаад өөрөө ирж дальчиганаад байхаар нь шүүрээр дэлсээд алчихсан юмаа би. Намайг сонирхсон эхнэр ялааг нь нам цохисонд эр нөхөр ялаа нь учиргүй уурсан дүнгэнэж, яаж ийж байгаад яг нүдийг минь онохыг хичээгээд байгаа бололтойм. Хэ хэ, өчүүхэн муу ялаа байжийж өндөр дээд хүн төрлөхтэнтэй тэрсэлдэнэ гэнээ чи, Мэдээрэлгүй юм шиг суужийгаад, ядраад чамайг амрах цагт хөл дэх таавчигаараа хүчтэй дэлсэхээ хүн төрөлт ах нь хэнээр ч хэлүүлэхгүй мэдэх байлгүй!

Мөргөөд байхад нь дүмбийгээд суугаа намайг гэмшиж байна гэж эндүүрээ дээ, хөөрхий муу эр ялаа, Дисплэй дээрх энэ бичлэгийг уншиж чаддаг байсан бол учрыг нь мэдсэн ялаа жижиг өрөөний поорчигоор нисэн одох байсан даа... Түссссс!!!!!!!