Pages

2007-02-23

Interaction with software users

Хишгээ ахын бичиж байсан төслийн удирдлага бичлэг дээр хэрэглэгчийн тухай нэг хоёр гэж ирээл бичсэн нь их таалагдаж байлаа. Үүн дээр нэмээд өөрийн бодож явдаг зүйлээ хуваалцая. Implementation & operation хэсэг дээр яалт ч үгүй хэрэглэгчтэй тулж ажиллах хэрэг гарна. Хичнээн сайхан software байгаад хэрэглэгч нь ойлгож ашиглаж чадахгүй бол ёстой үсээ зулгаахаас өөр яахав. Ямар ч хэрэглэгчид тэдний үнэт цаг зав, хөрөнгө мөнгө, хугацааг хэмнэх сайхан зүйл нэвтрүүлэх гэж байна даа би нэг сураад авья гэж боддоггүй харин дахин нэг юм шинээр сурч төвөг удах нь дээ яршигтай ялаанууд вэ л гэж боддог. Хэрвээ захиалагч байгууллага нь маш өндөр үнэтэй software авсаныг хэрэглэгч мэдвэл нэг балай software шахах гэж их хичээж байнаа гэсэн харцаар таныг харж магадгүй. Хэрвээ хямдхан software байвал манайхан энэнтэй энэнгүй алзахгүй, алдагдалд орохгүй гээд нүүрэн дээрээ инээмсэглээд нидэр дээрээ хаяаад явж мэдэх юм. Зарим нь word дээр хүснэгт хийхийг заагаад өгөхийг эсвэл XP cd хуулж өгөөч гэж өөдөөс хэлж магадгүй. Хэрэглэгчээ хаанаар өргөмжилчөөд байгаа хүмүүс чинь тэднийгээ сурсангүй гэж загнаад, зодоод явалтай биш зураг дээрх шиг always smiley царайлаал уулзах хэрэгтэй. Яагаад малилзаад байгаан гэж эхэндээ асууна, тоох хэрэггүй, дараа нь өөрсдөө дагаад инээдэг болно. Хэрвээ та software-тээ бүрэн итгэж байгаа л бол эргэлзэх хэрэггүйгээр хэрэглэгчдээ ашиглаж сурхад нь дэмжих янз бүрийн арга хэрэглэх хэрэгтэй. Тэгвэл ямар арга ашиглаж болохуу. Эхлээд Кеy хэрэглэгчдын группыг тогтоох буюу хамгийн гол үндсэн хэрэглэгчдээ ялгаж тогтооно, тоочиглоно. Тэр групээсээ нөлөөлөгч буюу тэдгээр хэрэглэгчдийн санал, шийдвэрээр software-т өөрчлөлт оруулахыг зөвшөөрдөг мөн шинэ зүйлийг урамтайгаар хүлээн авдаг хэрэглэгчдийг мэдэж авах хэрэгтэй. Эдгээр хүмүүстэй хэсэг хугацаанд face-to-face уулзаж ажиллана. Эдгээр хүмүүс ихэвчлэн юмыг ойлгодог хүлээн авдаг учраас нээх удалгүй найзууд болоод гар гараасаа хөтлөлцөөд савлаад явдаг болж магадгүй. Хамт олондоо нөлөөлөгч хүмүүсийг өөрсдийг нь багшлах хэмжээнд хүргэсэнээр тэд нар нь бусаддаа заагаад, сурталчлаад ёстой нөгөө маркетингийн хэллэгээр нэг нь 10-г дагуулж ирнэ гэдэг шиг л цаашаа явахад хялбар болж болох юм. Мөн менежментийн янз бүрийн support-оор хэсэг хугацаанд бөмбөгдвөл зүгээр санагдсан. Жишээ нь software-ийг ашиглах зааврыг зузаан ном болгож өгөхөд түүнийг нэг бүтэн унших хүн ер нь их ховор учраас хэрэглэгчдийн mailing list үүсгэж байгаад зураг, загвар давамгайлсан жижиг хэмжээний tip-үүдийг явуулаад байж болно. Мөн хэрэглэгчид чинь социализмын үеийн багш төвтэй сургалтыг дүүргэсэн хүмүүс бол удирдлагуудаар нь дамжуулж байнга сануулж, болохгүй бол донгодуулуулах, арга хэмжээ авхуулуулах нь өнөө үеийн хамгийн оновчтой арга болоод байгаа. Туршаад үзэхэд гэмгүй. Нилээд хэдэн хэрэглэгчтэй ажиллахадаа ажигласан зүйлээ бичлээ дараа нь нижгээд хэдэн хэрэглэгчтэй харилцаж үзчээд арай өөр зүйл бичих байх гэж найдаж байна. Төгсгөлд нь хэлэхэд хэрэглэгчдийг хэтэрхий өндөрт өргөх хэрэггүй гэж Хишгээ ахын хэлдэг үнэн юм шиг байгаан, хааяаа ч болов энэ чинь болохгүй асуудал байна гээд эвтэйхэн хэлчихэд гэмгүй шүү.

P.S: Зөвхөн монгол хэрэглэгчдийн хувьд бичив.

Post a Comment